■林名溢喺fb預告已經諗定3招打擊違泊喎。林名溢fb截圖個個都做區議員，你估個個都識做區議員咩。新任大埔區議員、泛暴派嘅林名溢，日前係威係勢咁喺facebook度開post話，已經諗定3招打擊違泊，包括要求警方定期陪區議員去巡區抄牌、要求增派交通督導員、要求警方對多次違泊者拖車侍候喎。其實違泊情況嚴重，一定事出有因，但有啲人就只係識解決眼前問題，有網民就留言話佢呢3招係「治標不治本」，叫佢「解決車位問題先」。
網民質疑治標唔治本
呢3招毫無創新可言嘅招數，當然震撼唔到街坊，但似乎就令部分車主街坊震怒嘞。「Gordon Jin」留言話︰「解決違泊，抄牌罰款不是目的！僅抄牌不解決問題就南轅北轍了。」「Jon Chan」亦話︰「林議員，大埔墟咁旺就係因為舊區多地舖車可到門口，所以吸引到其他大埔人什（甚）至外區客黎（嚟）。......如果你要係（喺）呢區攪（搞）抄牌捉違泊相信並非大部份（分）人所願。」
「Hy Chow」直情覺得林名溢幫倒忙︰「抄牌冇用因抄咗更加唔會走，就算走左（咗）轉頭唔夠幾分鐘就會有後來車補上，並不是解決問題。」佢仲話，開得車嘅市民多數都住喺公共交通不足嘅地點，認為大家應該忍讓，「想地區經濟繁榮又冇人流車流，邊有咁完美。」
部分網民亦似乎比林名溢更有識見。「Man Ho Chung」反問︰「點解唔可以覓地建多層停車場去治個本？根本係唔夠停車位，一係就貴到乜咁。」
「Ling Cheung」再具體啲︰「建議而（??）家大中舊賽馬會既（嘅）臨時停車場，興建多層停車場好過啦！」林名溢見反應咁大，唯有話其實抄牌規劃兩樣都會做。
擺官威叫警察畀佢抄
最搞笑嘅係網民「Cheungkai Tsang」問林名溢︰「如果警察不同議員一齊去的話，你會有甚（什）麼方法？」林名溢聲言︰「咁我會同佢哋講，如佢哋唔執法，不如讓個執法權畀我，我義務幫佢抄牌。」「Wallace Wong」似乎就對呢種自以為官威大晒嘅「方法」反晒自（白）眼︰「要提交俾（畀）立法會wor（喎），同佢地（哋）講真係有用？」 ■香港文匯報記者 甘瑜