第三場、第四班、一二○○米。大摩完成今個賽季便榮休，其子喬治摩亞雖未能繼承衣鉢從練，不過老香港早為愛兒鋪路，將他打造成金牌馬販角色。近季摩廄不少馬匹均由喬治摩亞購入，摩仔於上月昆士蘭神奇百萬周歲拍賣會購入數匹「盡善盡美」子嗣。今次賽事，「喜勁驥」這匹「盡善盡美」子嗣雖由蔡約翰訓練，實際上周歲時由摩仔以六十八萬澳元購入，後來「喜」系全數轉到蔡、方兩倉。此駒血統靚及型格好，上場贏馬點到即止，同主「喜勝駒」情況相若季內已兩W，估計「喜勁驥」都有此能耐。
第七場、第三班、一八○○米。「大道至正」來港前三捷於膠沙地及大爛地賽事，上季來港之後，一再成為數十倍，甚至是九十九倍冷門，但經過一季時間適應後，加上評分下降不少，今季初出已是十倍以下，而表現亦持續向好，尤其之前兩次配巴度出爭泥地一哩更悉數入位，當中曾在濕慢泥狂追第三，末段造廿二秒八輸條馬頸，未能勝出只是稍欠運氣而已；上場換來雷神操刀原本以為鴻鵠將至，誰知直路上一再受困未能望空，最終抽住韁繩過終點；查牠外地曾贏千九米，今次出爭泥地千八肯定合適，捲土重來必全力求逞。