■灣仔新景園咖喱小廚張貼歧視內地人告示。 fb圖片無論係議員定係店舖，只要沾染「黃色」就變分化高手。灣仔黃店「新景園咖喱小廚」，喺大家需要齊心抗疫之際，喺店外張貼告示，話唔會招待「任何大陸客人」，若有需要，客人需「出示身份證明」，企圖挑起兩地矛盾。有醒目網民直指，??家邊有內地客，狠批佢哋整色整水，又質疑間舖根本冇權查人身份證，咁搞歧視不如執笠。
香港文匯報記者翻查「新景園咖喱小廚」facebook網頁，發現「新景園咖喱小廚」好似唔係搞食物而係搞政治，不斷發表反政府、分化社會嘅言論。喺政府上月5號宣佈從內地入境者須強制檢疫14天後，間店舖仍然喺上月7號，喺facebook發帖散播恐慌，話「絕不招待大陸人（台灣人例外）」，又宣稱支持「全面封關」。
時隔一個月，間舖無端針對內地人嘅告示圖片又喺網上瘋傳，張相顯示近日佢哋店外張貼告示，聲稱由於內地客人「不肯合作，甚至自稱台灣人」，所以任何內地客人，包括同香港人同行嘅內地客都唔會招待，又話若有需要，要客人出示身份證明??，佢哋並要求所有「訪港旅客」等「自律」。
網民批博出位 「執笠就有份」
好多網民對佢哋嘅做法十分不滿，又覺得佢哋故意靠極端言論博出位。「Fucheun Chan」就話，「仲有×內地遊客咩。整式（色）整水。用最岸×（戇居）既（嘅）宣傳方法。執×笠就有份。」「Andrew Wan」就話：「記錄在案，當遊客重回之日，黃店唔好on××走去嬲。」「Keiko Ming」就感嘆：「咁惡？咁霸（道）？」佢話如果間店咁有骨氣，應該由即日起「入境東江水一滴都唔準（准）流入佢間店內。」
「Kan Sung Tong」就質疑佢哋：「有乜權睇身份證！？」「May Cheung」就認為，政府唔應以公帑支援此等無良食肆：「咁樣揀客，政府那300億抗疫基金唔應該派錢比（畀）呢啲黑店。」「Edwin Yc Leung 」話：「就唔好學人開舖頭，開舖頭要搵錢㗎嘛，搞分化就返屋企啦。」「Paul Wong」就說：「絕不幫襯此病態黃店，它門前應加句『正人君子不得入，走狗漢奸可進來』。」「Emily Lui」都覺得佢哋「自掘墳墓。」
■香港文匯報記者 黃書蘭