第六場、第三班、一六五○米。賀賢馬房的「勁駒」，五度上陣尚未入三甲，跑得最近一仗是配何澤堯於田草千二米得殿軍，之後轉來谷中一哩兩戰俱所負不遠，有過中距離經驗再來已具出擊本錢。「勁駒」出自前中長途好手「一錘定音」，暫時此系馬在港表現未成氣候，某程度上是因為慢熱且適宜較長路程。「勁駒」在澳洲由練馬師李善訓練，兩捷於悉尼細馬場，之後於斯昆一場表列賽得第三，賀賢向來喜歡向這位練馬師麾下馬打注意，昔日「兵威振」便是成功例子。「勁駒」前仗直路遲遲未能望空，但亦逐步逼上主馬群；上仗二疊輕鬆跑近，經試準應到位。
第八場、第二班、一二○○米。「聰明導彈」上季一出即勝嶄露頭角，另外四次跑位置未能再贏只係進度不足，暑後踏入今季四歲一出即勝，之後集中跑田草千二米一再負於強手。上場轉場爭谷草，無非想恃質凌人，另一個考慮因素，或許是因為八十五分上限的三班賽，對於八十二分的牠而言，既毋須升班面對更強對手，負磅亦可稍減，加上同場有偏快步速，對於慣性稍留後追的牠，按理相當合發揮，馬匹亦不負所托贏馬，如今搵到新出路自然一不離二。