香港近日嘅新冠肺炎確診個案多數都有外遊記錄，有責任心嘅市民都明白喺呢個非常時期盡量唔好外遊。
屯門醫院一名喺內科工作嘅護士，竟然喺上月中下旬英國疫情爆發期去嗰度旅行，返來後就發現中招，仲有網民爆料話佢早前曾積極參與醫護罷工。
好多網民就話啲人講到罷工救港咁偉大，要政府封關自己轉頭走去外遊又回來播毒，真係黑醫護唔信得，又提醒啲管理層醒下，呢啲害群之馬唔留得㗎。
疫情喺香港蔓延初期，「醫管局員工陣線」夥同班黑醫護搞政治罷工，仲搵咗一個好冠冕堂皇嘅理由，聲稱為咗減少香港疫情散播嘅風險，要逼政府「全面封關」。但呢啲無良罷工唔得人心，最終草草收尾。
醒目嘅人肯定當時就睇穿佢哋實質係搞緊政治罷工，而唔係所謂「為咗抗疫」，但估都估唔到啲黑醫護竟然夠膽做得咁出位。有網民爆料，早前屯門醫院感染新冠病毒嘅醫護，係一名黑醫護，喺醫護罷工嘅第一晚就積極響應，到罷工最後一日，上午罷工，夜晚仲shs night。呢位為逼香港政府「全面封關」，而唔惜忍住內疚罷工嘅醫護，竟然喺英國疫情爆發、留學生湧緊返嚟嘅時候去嗰度遊玩，可見佢都幾咁擺抗疫、擺港人嘅安危喺心度。
「醫管局員工陣線」早前高調「譴責」一名女警喺病房唔佩戴口罩，醫管局都回應聲稱事件對佢哋醫院運作造成很大影響。
有網民就話，啲人都應該譴責埋呢位外遊黑醫護，「明知係疫區，都死出去，而（𠵱）家又返來播毒，呢位同事對香港醫療系統好大負擔喎！做人公平d（啲）好！唔好只係鬧人無帶（戴）口罩！同事回來播毒都應要受到譴責！」
「Lydia Yau」就揶揄佢「講到罷工救港咁偉大，要政府封関（關）就唔封自己，轉頭走去外遊回來播毒。」「Derek Wong」感歎：「黑醫護真係只顧自己，不理他人。」「Csy Chan 」都話：「搞罷工唔成，就去外國惹毒返香港，呢d（啲）真係黑心黑護！」「Karey Lee」就覺得「黑醫護真係累人累物，影衰愛心醫護人員」。「Haagen Dazs Yeung」則提醒醫管局管理層：「害群之馬還能留嗎？管理層醒下！」 ■香港文匯報記者 文根茂