香港中華廠商聯合會會長吳宏斌對新措施表示歡迎，估計全港有兩三萬間公司合資格申請，但他指出，措施只豁免進入香港的檢疫，如返回內地後仍需要隔離，相信令商人卻步，「每次返上內地都要隔離14天，那14天仲要自費租酒店，咁返一返去使費都好大，而且都係喺酒店入面指揮公司業務，咁同喺香港有咩分別？」
吳宏斌認為，若內地同樣豁免檢疫，有七八成廠商馬上回內地工作：「其實好多廠商都有好急切需要，有會員同我反映，佢間廠同隔籬間廠有土地糾紛，但佢返唔到去，𠵱家好無助。」
在上海、廣州都有設五金廠加工環保設備的港商吳國安認同，香港單方面放寬檢疫作用不大，「我暫時唔會申請住。」
吳國安表示，由於「封關」，自己已近3個月沒有到內地「坐鎮」，影響甚大：「我唔喺度睇住，工廠嘅QC（品質管理）都出問題，有啲貨安裝錯誤都無人發現，到收貨時俾買家投訴。」
他續說，雖然內地都有管理層，自己亦與他們每隔兩天視訊開會一次，但公司的人手調動和「追數」等問題始終無法妥善處理：「人唔喺度，啲客好易拖數。」
盼先放寬廣州強制檢疫安排
他希望，中央政府起碼先放寬廣州的強制檢疫安排：「如果真係放寬，希望可以一併取消提供新型肺炎呈陰性的檢測報告的要求，因為聽講報告有效期亦只得7天，每次成本都好似千幾蚊。」
■香港文匯報記者 文森