■小虎隊成員胡渭康客串演出，被天堂鳥三子「力捧」。香港文匯報訊 天堂鳥（BOP ）最近翻拍了小虎隊《伴我啟航》，今次呢一個經典重現除咗係對小虎隊致敬之外，亦係想藉此機會同一班即將踏入社會嘅生力軍合作，一方面配合宣傳新歌《冒險島》，亦想喺合作裡面擦出新火花。
葉灝基（Gordon）說：「好開心今次可以同一班大學生合作，佢哋有好多新鮮嘅諗法同拍攝方向，整個編排同拍攝方向都係佢哋由零開始諗出嚟，我覺得同佢哋合作令我哋都變得好熱血！」
許俊豪（Lincoln）續說 ：「拍攝當日天氣真係非常啲好，但為咗呈現最好嘅效果，我哋都完美複製返《伴我啟航》入面小虎隊嘅造型，烈日當空着住衛衣拍攝亦真係好熱血。」
歐喬鋒（Tyrese）則說：「坦白說我哋3個曾經都係滿懷夢想出發，慢慢地時間長了，少不免會有磨滅咗初心嘅時候，但今次同一班年輕人合作都令我哋可以重拾返當初為夢想出發嘅動力。今次我哋最高興係可以邀請到小虎隊成員胡渭康哥哥客串咗其中一幕，希望今次由我哋三個重現經典，帶畀大家另一種感覺。」