■ 視帝夥拍視后合力做善事。香港文匯報訊 福幼基金會推出「有福同港·有飯同享」活動，更邀請一班星級義工擔任星級大廚幫忙煮飯兼派飯，繼頭炮有蔡一傑與肥媽雙劍合璧後，近日就邀得視帝黎耀祥及視后鄧萃雯親自下廚，為基層獻出一份綿力、一點關心。
頭炮星級大廚是煮得之人蔡一傑同肥媽，二人合力炮製220個愛心飯盒，並派送到東頭邨和佐敦有需要人士手上。之後就輪到余安安及契仔凌文龍接力做大廚，二人炮製了100個「香煎雞扒配洋葱汁+椰菜溏心蛋」飯盒，連同水果、飲品、乾糧等物資親身派發給一眾基層朋友。
第三擊則請來祥仔和雯女親自下廚，二人合力炮製手工菜式「洋葱手撕雞配椰菜溏心蛋」及完成100個愛心飯盒，還一條龍服務由煮餸到派發均一手包辦，受眾看到視帝、視后駕到也十分驚喜，連聲道謝，雯女說：「好高興今次有機會同祥仔一齊煮食兼派送愛心飯盒，係好有意義嘅活動。雖然煮嘢食我唔係最拿手，但通過咁微薄嘅力量，呢啲飯盒就帶着無比愛心，我哋做嘅每一個步驟，都將份祝福加喺個飯盒，希望能呼籲更多有心人支持，做更多愛心飯盒給有需要嘅朋友，我相信收到飯盒嘅基層朋友會感受到呢份心意。」祥仔就說：「其實我都參加過很多不同類型嘅慈善活動，要落廚煮飯再送埋飯盒畀有需要嘅朋友都係第一次，個體驗我覺得好踏實又好實際，飯盒代表一餐溫飽，喺呢個疫情時期係十分需要。最重要我哋能力可以做到的，對他們的關心可以表達出來，藉着福幼基金會呢個活動，可以讓更多人知道，做善事要群策群力，希望大家多多支持！」