■ 一眾飛虎各具特色，陽剛味十足。香港文匯報訊 （記者 梁靜儀）苗僑偉（三哥）、黃宗澤（Bosco）、吳卓義（Ron）、馬國明（馬明）、陳山聰、王敏德、蔡潔、及吳業坤等，昨日出席於將軍澳電視廣播城舉行的《飛虎之雷霆極戰》記者會，該劇監製樂易玲並即場宣布即將開拍《飛虎3之壯志英雄》，她指劇集在夏天開拍會較辛苦，三哥表示辛苦不重要，最重要有工開。馬明因為要拍《BB大晒》，沒有期再拍《飛虎3》，三哥則大讚馬明是TVB鎮台之寶。
三哥由外地返港隔離了兩星期後，首次現身為劇集宣傳， 他笑言返來要準備開工拍《飛虎3之壯志英雄》以及恭喜馬國明：「恭喜馬明《降魔的2.0》有好收視，兩劇都有馬明，佢係TVB鎮台之寶。」馬明謙稱三哥才是鎮台之寶，他表示因要拍《BB大晒》，沒有期再拍《飛虎3》，拍不到也沒辦法，他又說：「同BB合作真的好攰，如再要同BB合作要考慮。」
談到吳啟華前日於微博，就日前在節目《Tiger's Talk》訪問中提到有內地「萬人迷」女星，向劇組人員派房號一事公開道歉，馬明說：「有部分誤會係我引起，我要鄭重道歉，希望件事唔好發酵落去。」
接受現實 華女脫離苦海
三哥被問到好友黃日華的近況？他說：「早兩日我約佢食早餐傾吓偈，佢OK，佢同個女（黃芷晴）都有心理準備，兩父女好堅強，呢年幾華女（梁潔華）同佢都好辛苦，華女不停進出醫院，不停食藥，直至上星期轉差，華女脫離苦海唔使再食藥，我同佢講，人生就係咁，要接受現實，與其痛苦中度日，不如好好解脫，佢都理解同明白，所以早幾日佢都有踢返波，大家放心。」他指與黃日華夫婦相識了四十年，當年在訓練班兩人一條褲兩份着，黃日華很愛華女，當年兩人拍拖，他還取笑黃日華有異性冇人性。
之前兩集都有份演出的Bosco與吳卓羲，得悉將開拍第3集都表示興奮，問到二人是否落實有份演出？他們異口同聲說：「咁就要問三哥啦，我估都要睇吓今集表現，我哋做細嘅唔敢評論，其實1、2集都唔係重點，第3集先係重點，因為『3』哥嘛！」由於疫情持續關係，估計月底開拍的第3集將會全部在香港取景。
吳卓羲配細細粒搞噱頭
今集吳卓羲分別與蔡潔及余香凝有咀戲，他笑言下次要三個了。Bosco聞言即酸溜溜說：「Ron今集有兩個女仔做對手戲，我就得一個，（下集想同邊個女演員合作？）乜可以揀，（蝦頭？）有噱頭我唔介意，Ron就同細細粒（陳嘉佳），至於三哥就搵樂小姐同佢做一對，佢哋好熟，呢個係成個劇嘅噱頭！」
另外，吳卓羲上台及落台都一拐一拐，受訪時又要坐下，問到他的腳是否有事？他透露早前做健身時不慎拉傷雙腿筋，在家中上落樓梯都要十分鐘，落床都要五分鐘，原本昨日覆診，但因為要出席劇集宣傳，因此改期才覆診，相信不影響新劇拍攝。問到可要人照顧起居？他笑說：「傭人姐姐有照顧開老人家經驗，（幫你沖涼？）沖涼自己得啦。」