■ 馬浚偉與上山詩鈉已承諾再約飯局。香港文匯報訊 馬浚偉（馬仔）近期正忙於排練他的第三個舞台劇《男人40 CEO》，同時亦繼續為其製作及主持的電視節目《緣來自咖啡》進行拍攝，上山詩鈉（Anna）擔任嘉賓，兩人原來有一段鮮為人知的密切關係呢！
與上山詩鈉既非同事也從無合作，如果不說出來，想不到他倆是相識25年的好朋友。馬仔解謎道：「當年我哋有個歡樂四人組，我、Anna、尹錦輝同埋甄楚倩，成日約埋飲酒，無所不談，呢段日子真係好開心亦好難忘。」
馬仔不諱言那時年少輕狂飲酒，往往通宵達旦，回想當年真難以想像怎會那般狂：「但這段飲酒友情還是很難忘的，大家都年輕、都真心。今日同Anna傾偈憶往事，一下子所有回憶返晒嚟，Anna依然健談，有嗰句講嗰句，毫不掩飾，真情流露，冇見咁多年，覺得她仍然十分可愛，真到爆！」
上山詩鈉亦很開心老友重聚，勾起許多以前一起的日子：「好似回帶咁樣，飲酒飲天光嘅畫面重現眼前，好好笑亦好回味。見返馬仔真係好開心，非常佩服佢嘅積極人生態度，不斷學習不斷進步，又多方面發展，成績可見，真的好厲害。」
馬仔表示，與上山詩鈉失聯多年，因為彼此都換了電話，猶幸去年在機場相遇，大家見面即時來個擁抱，交換近況，恢復了聯絡，今次好開心邀請到上山做嘉賓，足證25年友情經得起時間考驗，彼此感情更沒有褪色，實在感恩又開心，已承諾再約飯局，重組歡樂四人組。