■連詩雅對於角色入屋開心不已。香港文匯報訊（記者 李思穎）連詩雅（Shiga）昨日到新城宣傳正熱播中的劇集《那些我愛過的人》和主唱《小謊言》，她透露很多觀眾叫她劇中人物「方醫生」，對於角色入屋開心不已，又自言角色以淡妝上陣，但天生嘴唇偏紅，可能長期熱氣，故此，當中換肝的幾集戲要塗上遮瑕膏化淡唇色。
Shiga對劇集收視很緊張，這陣子都睡不好，經常掛住上網留意網民評價，她直言：「始終是第一次擔正的角色，好想知大家反應，不論好壞留言都照睇，都有觀眾話我醜樣，我承認不是特別靚，都要靠化妝幫忙。」
說到緋聞男友陳家樂對該劇都有讚好，Shiga笑說：「佢係讚套劇好睇，（沒有指明讚你會嬲嗎？）我多是睇網民留言，會介意大眾的意見，才令我有動力，（家樂讚套劇都會開心？）身邊好多人支持都會開心，而且這部劇給我賺了很多，特別是黃翠如及陳自瑤的友誼。」
黃翠如 陳自瑤預祝生日
Shiga於本月29踏入33歲生日，她已獲黃翠如和陳自瑤提早慶生，問到家樂有否相約慶祝生日？她想了想說：「唔答，正日都要開工拍廣告，生日搵錢好開心，（搵錢重要過家樂？）搵錢比好多事重要，疫情下有出無入，（叫家樂養你？）不會叫任何人養，會自食其力，媽媽養大我，我以後會養她。」
Shiga有在社交平台分享與翠如和陳自瑤三人慶生的相片，翠如更貼心為她準備一個健康無糖的蛋糕，Shiga開心留言：「這部劇賺得最多嘅，係呢份友誼，我哋每一次慶生都係好即興，但就係點都要見個面，雖然我哋三個性格都好唔一樣，但係唔知點解就係因為咁，好似有種互補不足嘅感覺 （主要係佢哋兩個補我嘅不足），所以希望我哋喺嚟緊嘅日子，繼續互相扶持，互相傾訴，互相提點，Love uuuu twoooooo~」