吳若希嫌老公未夠成熟 呻臨盆前對方只顧睡覺

微信掃一掃

■近日宣布再懷孕的吳若希接受訪問。

香港文匯報訊 吳若希（Jinny）日前作客TVB娛樂新聞台節目《StarTalk》，接受主播許文軒專訪，大談相隔四年推出唱片及再度懷孕的感受。她說：「終於出碟！隻碟就好似陪住我成長一樣，最早錄嗰首係《泣血薔薇》，錄時咁啱係我媽咪撞親入院，當時我把聲係爛晒；而《麻醉》呢首歌係講我老公拍拖時嘅關係，我本身好鍾意隻歌，但又愛又恨，大家聽下就知我老公未同我結婚時有幾多大話，搞到現在我一聽到啲歌詞就好嬲，因為我最憎人講大話。」

談到為何時常公開談老公的惡行時，Jinny笑說：「其實呢啲唔係情趣，係事實！因為用溫和嘅方法對男仔係冇用，不過有咗家庭嘅男人會變得成熟啲，佢現在唔同咗，但仲有好多進步空間，好記得上一胎我臨生，姑娘叫佢起身唔好瞓，話你太太生啦！佢竟然繼續瞓，嗰下真係嬲，呢個人點可能唔理小朋友出世，掛住瞓，我好期待今胎佢會唔會瞓到成隻豬咁。」

讀文匯報PDF版面