第二場、第四班、一二○○米。「非凡魅力」經連場實戰省馬後，上賽終在此程取得首次入圍成績，敗給伏兵「翹軍」個半馬位得第三，狀態漸到位，應可作出補中。「勇者勝」大前季兩捷四班谷草千二後，上季卻一無是處；前仗久休復出跑同程，在慢步速下克服難度後追奪冠，狀態復勇；翌仗卻因留得太後姍姍來遲，今再接再厲依然要吼實。
第四場、第四班、一六五○米。「陽明高高」（圖9號）剛役因出閘笨拙以致未能採取最拿手的跟前均速跑法，但最終也後上攻入第三，捲土重來可補中。「御風超影」前仗首度跑窄場爭千八，自造偏快步速領放，結果輕勝對手；上場排劣檔下卻放得過急而敗，今次縮程一哩，如在留放上處理得更好，隨時又帶返。
第六場、第三班、一二○○米。「勝利威龍」今季三月份才作季內首戰，上賽於谷草千二力拒「行星夢」打開勝門；此類馬定會趁勇用盡一時，憑體力上優勢有權執多W。「達心星」近三戰配上綁脷帶，撇除其中一仗末段塞車枉輸，另外兩場則於田賽千四及上場谷草千二全勝，現升三班改負輕磅，連捷機會樂觀。