第七場、第二班、一六五○米。摩、東兩廄在谷草高班賽經常施馬海戰術，想不到在今場羅富全可分庭抗禮。「太陽威威」上季田草短途起家，踏入今季羅富全卻刻意替牠增程出擊，結果兩勝谷中一哩。事實上，此駒一月時在三班力擒「玖寶」及「又係熊」只勝頸位，但大前仗加分加磅卻是贏出一身位，除了形勢配合之外，馬匹不斷進步亦係事實；翌仗首爭二班賽，雖然不敵「與龍共舞」及「傑彩繽紛」，但與「翠龍」亦不過相差半身位得第四；上次加程跑千八米欠氣量，現重返一哩，有過二班經驗再來，能挑戰群雄絕不奇。
第八場、第三班、一六五○米。無論係何澤堯騎「精算」系賽駒，還是替呂廄效力，都可以話係數據甚強的組合，騎練合作季內取得廿五W，固然係亮麗數字，今次列陣的「精算齊同」，今季一配何澤堯即勝，今次兩大條件配合，又係捧場時候。「精算齊同」今季二月中復出，至今跑了四個月，體力較對手優勝是不爭事實。經兩仗開氣後換上何澤堯，即飛到馬到報捷；贏馬後回升三班，大前仗僅以短頭位飲恨得第三，翌仗用郭能回一回，上場重配何澤堯又跑第二，今次賠率不太熱，值得一敲。