■黎耀駿發文指「李柱銘可唔可以快啲死？」fb截圖港區國安法即將立法，一直撐黑暴攬炒嘅「禍港四人幫」之一、民主黨創黨主席李柱銘亦同縮沙。佢日前喺接受外國傳媒訪問時突割席，話「提倡攬炒的人，他們一無所知」喎。唔少攬炒派中人即刻向佢開火，有人仲叫佢快啲死𠻹。當然啦，有家有業嘅「禍港四人幫」煽人去攬炒，然後話褪就褪，一來係驚咗港區國安法啦，二來係激冇人冇物嘅想上位班攬炒派講大啲，到時啲後生仔喺選舉時DQ咗，「泛民」就可以千秋萬世啦！
《紐約時報》中文網日前喺報道中指，李柱銘在該報專訪時稱「『攬炒』哲學很幼稚，並說要求獨立會讓香港失去國際支持」、「提倡攬炒的人，他們一無所知」、「如果你發動一場革命，然後徹底失敗，很多人會和你一起死。這對香港有什麼幫助？」
報道一出，「青年新政」前成員黎耀駿睇完就好惡毒咁話：「李柱銘可唔可以快啲死？唔好再拖後腿了！手足流血犧牲換嚟嘅攬炒成果，你個老不死不斷想中和返晒佢。求你了，『早死早着』，好嗎？」
有意參加今年立法會選舉嘅前「香港大專學界國際事務代表團」發言人張崑陽亦乘機發帖，將議題推升至所謂「世代之爭」，聲稱「年青（輕）人沒有，也不可能有這種大中華情意結。我們成長於『中共最囂張拔（跋）扈』之際，對和平沒有一絲寄望。......對中共仁慈，就是對自己殘忍。東郭先生對野狼仁慈，卻遭其反咬一口。猛獸兇殘，本性難移。野狼如是，苛政更甚」云云。
網民譏諷李兩邊不是人
「King Kin Hon」就咁回應：「宜（𠵱）家理應係佢地（哋）（民主黨）嘅收成期，佢地（哋）當然想盡量減少改變，係世代鬥爭！」「男兒當打交」就指：「其實你咪on××喺度扮中立做咩姐（啫），d（啲）藍絲一早已經認定你係亂港份子啦，搞到兩邊不是人，為乜？」
「Dja_Djedje」就指：「因為你李柱銘今日擁有嘅物質太多，所以至認為提倡攬炒係無知。」「最佳毒×」就質問：「我想問吓李柱銘住緊邊度？係咪豪宅？」「男朋友對眼好細」則鬧佢：「真正食人血饅頭，食足幾十年！」
「奧巴麻美揚」就指李柱銘應該以柱銘坐監換取「制裁中國」：「快啲坐監燃燒埋僅剩既（嘅）光環，俾外國制裁××（中國）啦！然後好快啲企埋一邊收×皮，香港人咪信×咗你條×頭搞到而（𠵱）家咁！」
不過，都有網民覺得支持攬炒嘅人的確無知。「劉麥氏龍」咁話：「事實就係，其實自由唔係想像中咁重要，並唔係要付出條命去換取嘅嘢，如果係嘅話，神早已經革命咗，而香港人其實都唔係折墮到五餐溫飽都滿足唔到，所以叫人『勇武』？ 算吧啦！」「louislouis」都話：「有×人發動革命，係口革。」「無尾bear」就覺得：「1年過去，攬炒爭取到什麼？8,000人被捕定國安法？係時候發完夢，落床睇下（吓）出邊（面）個世界！」 ■香港文匯報記者 黃書蘭