攬炒派時時刻刻搞眾籌，是次搞所謂「初選」，自然亦要眾籌。牽頭「初選」的違法「佔中」發起人戴耀廷近日喺社交網站聲稱，「初選」要成立投票系統，只能在IOS系統手機上運行，呼籲市民捐出iPhone及iPad，有關物資其後會轉贈給「民意研究所」，以便繼續用於將來的民間投票。不少網民質疑此舉是乘機「掠水」。
戴耀廷日前在facebook以「民主真的無『機』！？」為題發文，稱是次「初選」將設200多個票站，估計每個站要兩部至4部iPad及iPhone，因此呼籲市民捐贈，「五年內的舊機都可以」。同時，他亦叫市民做票站義工、借場地和捐錢等。不少網民就質疑戴耀廷趁「機」掠水，質問為何要市民為政黨埋單，於是他日前再發文「澄清」是因為參選「素人」無資源，聲稱眾籌是「為了公平」。他稱會將籌得的錢平均分予參選名單，「那麼一些資源較少的隊伍就不用分擔『初選』的支出，可把有限的資源集中向選民推介自己了。」
變相乜都呃 不如去經商
有網民就明顯唔賣賬，留言揶揄︰「咁咪唔好搞初選囉。」「潘小淘」話：「無錢玩初選就唔好搞，上屆初選馮檢基贏咗都唔比（畀）代表『泛民』選立法會議員，初選已沒有意義，變相呃人。」「Star Ck」亦話：「每個偉大既泛民議員每個月90,000蚊人工=買左（咗）起碼9部iphone，你仲問大家攞機你會唔會太厚臉皮呢！」
「Edward Tam」聲言：「香港『憲法保衛戰』至今，超過9,000人被捕，大量被捕人士被沒收電話，依家就連提供二手機被捕人士應急用嘅channel都叫救命，......但係你戴耀廷，喺度係咁叫人哋捐機畀你，仲要唔貴唔×收，×你老母咩，你直接搵蘋果贊助啦！」「Yau Frank」就揶揄：「戴耀廷唔做生意真係嘥左（咗）你，咁嘅計都諗得出，佩服！」
民建聯立法會議員梁志祥在接受香港文匯報訪問時質疑，戴耀廷是想藉此為攬炒派參選人降低參選經費，認為戴耀廷要公開「初選」費用，「如果用喺『初選』，原本值三四千蚊嘅機係唔可以估算為免費，正如一張舊橫額都要去計算成本經費，有乜理由參選人唔需要承擔舊機嘅選舉經費呢？」
他並希望選管會履行職責，提醒人要清晰計算選舉經費，不可蒙混過關，否則攬炒派偷步宣傳，會造成選舉不公。 ■香港文匯報記者 郭家好