劏房租管小組由13人組成，地產代理監管局主席梁永祥出任小組主席，其他成員還包括香港測量師學會前會長何鉅業、房委會資助房屋小組成員招國偉、理工大學建築及房地產學系教授許智文、香港業主會會長佘慶雲等，其中佘慶雲曾經高調反對推行租務管制，認為將會導致供求失衡。如此的組合，獨欠基層租戶或團體代表。梁永祥受訪時承諾，小組絕不會向某一邊傾斜，但他直言不可能有一個方案令所有租戶、業主開心；冀小組成員、業主、租戶和社會都有同理心，要互相作出讓步、妥協。
梁永祥指出，小組成員來自各方面，部分人與基層租客有接觸，「小組成員包括四個專業團體嘅會長、六個教授；其中兩個教授係社福、社會工作嘅教授，仲有一個係直接參與社會機構嘅行政教授，佢哋會幫小組消化租戶或者大眾嘅意見。」同時，各小組成員都有同理心：「佢哋會喺業主嘅角度睇事，亦會用租戶的角度表達佢哋苦處。」
由委員去表達基層租客的聲音始終是「二手意見」，為何不直接邀請租戶代表出任小組成員參與討論呢？梁永祥表示，關注劏房的團體太多，不可能逐一邀請，且小組的工作計劃還包括實地探訪、公眾論壇，相信能有效聽取市民意見。
不可能讓所有租戶業主開心
梁永祥期望，最終找出一個友善、兩利的方案，但強調絕不可能讓所有租戶、業主開心：「呢個問題始終係一個平衡、妥協嘅問題。如果業主覺得租金不應該受管制，要將回報無限咁最大化；住戶又想將租金撳到最低，呢兩種期望都唔可能同時現實嘅。」
他進一步補充，不要以為租管對業主只有害無益：「劏房業主要面對好多問題，包括租霸、投資穩定性問題、聲譽等，無咩人會覺得劏房業主係投資者，只會覺得佢哋係剝削者，如果我哋有一個大家都認可嘅方法處理劏房租務問題，業主聲譽都好啲。如果業主永遠唔肯讓步，萬一政府話要取締劏房，佢哋嘅投資都有問題！」相對而言，租管管「太死」，租戶亦非只有益無害：「管得咁死，業主咪唔將物業拎出嚟做劏房囉，又或者揀客囉，咁市場就無劏房租得到！」