香港文匯報訊（記者 達里）早前TVB有導演和家人一同確診新冠肺炎，一度擔心會有「電視群組」出現，幸數十位與確診導演有接觸的同事，經測試後均證實沒事。而江嘉敏日前拍完出浴戲後大腿出紅疹，因有傳是新冠肺炎的病徵之一，她立即到醫院做測試，也證實沒事，有驚無險。
江嘉敏在社交網上甫了一張露膊照、紅疹近照和陰性報告的相片，她留言：「拍完出浴戲當晚，大腿上面即刻出咗紅疹，嚇到我馬上停晒手上所有工作，留咗喺屋企，直到報告出嚟！」江嘉敏知道醫療系統負擔重，跟隨政府呼籲如非出現新冠肺炎病徵，或與確診者有親密接觸，都避免做測試。她說：「其實如果唔係緊密接觸者，或者冇病徵嘅人，真係唔使去check住，因為醫護人手不足，加上個test數量又唔係多，只要我哋多注重衞生，勤力洗手消毒，其實已經足夠。」
得知測試結果是陰性，江嘉敏開心到素顏出街吃飯，並希望大家平平安安健健康康！都希望隻腳腳都快啲好返啦，並留下趣怪主題標籤「#係呀我又素顏去嚇人 #唔出聲都呃到人系列」，十分搞笑。