■「政治大嬸判」製圖揶揄攬炒派。「政治大嬸判」fb圖片攬炒派成日惡人先告狀，但就自相矛盾、理據欠奉。好似攬炒派立法會議員朱凱廸、「獨」人鄒家成日前就搵埋班12人蛇家屬做騷，走咗去灣仔警察總部報警，要求香港警察「調查」事件喎。facebook專頁「政治大嬸判」噚日就出post揶揄︰「成日話左手查右手嘥×氣，但『販民』一面鬧班差佬係『黑警』，一面搵差佬拎證據，係咪笑話嚟？」
攬炒派同「黃媒」近日不停就12人蛇事件造謠。警方已經發聲明強調，已檢視當日上午嘅航行監察系統記錄，確認冇任何內地海警船進入香港水域，並澄清行動同香港警方無關。不過，攬炒派就繼續炒作，包括要警方拎證據出嚟喎。
「政治大嬸判」噚日就開post話：「攞唔出記錄就話你隱瞞，攞得出記錄就話你造假，想點呀？成日話左手查右手嘥×氣，但販民一面鬧班差佬係『黑警』，一面搵差佬拎證據，係咪笑話嚟？與其係咁點解唔叫靈童黃之井（黃之鋒）搵美國佬拎gps定位出嚟？」
唔少網民都覺得「黃絲」根本就自相矛盾，不可理喻。「Tszon Chan」就話：「唔信差佬又要差佬幫係咩玩法，的（啲）『假家屬』表現出色。」「Yan de Rafael」都話：「點解不是（譴責）叫你上船的人『賣豬仔』？反而是（質疑）禁止（被捕手足）離境、定期報到的警察？其實班無驗DNA（核酸）的家人明不明『賣豬仔』點解的？」 ■香港文匯報記者 黃書蘭