■林卓廷衝主席台舉「票」交數。 林卓廷fb截圖為咗向「抗爭派」交功課，立法會裏面嘅攬炒派喺昨日選內會同財會正副主席時，點都要搞啲嘢。民主黨立法會議員林卓廷，就巧威威咁喺自己fb上載一張佢揸住所謂「save 12」行上主席台嘅相，仲慌死人睇唔到整個大特寫。不過，「抗爭派」根本唔buy呢套，鬧爆佢係為錢出賣「手足」嘅垃圾。
林卓廷之前係威係勢咁聲稱佢有搵朋友幫十二逃犯，但最終都冇咗件事，俾人鬧到爆。為咗表現自己「真係有做嘢」，佢噚日就喺立法會內會選主席期間，將選票寫上「save 12」衝到主席台，仲打埋卡，諗住討好抗爭派，結果係點呢？咪就係好似豬八戒照鏡咁，裏外不是人囉！
◆郝強：留係（喺）立法會又係舉下（吓）野（嘢）？真係好成功嘅抗爭！
◆Man Fred：然後繼續出糧，放假去旅行，咁就叫議會抗爭？
◆嚴格言：寫個save 12就當做咗野（嘢）！自我催眠就會無敵！夠薑衝上鹽田舉啦！
◆Sham Wendy：又係為左（咗）錢出賣手足的垃圾！
◆Alan Wong：又話朋友幫手足，你朋友去咗邊？
◆Terry Chu：有A3、A2都唔用，只用A4 size？咁就叫「做咗」？同唔做嘅分別就係，唔做反而冇人會笑你！
◆Law SF：D（啲） on ×泛粉睇到會好感動，覺得畫面好L靚，再×你做過乜野（嘢）。
◆Kyle Mok：扮工完畢，感謝各位收睇。