■衛詩雅香港文匯報訊（記者 李思穎）衛詩雅（Michelle）早前為昂坪360拍攝宣傳短片，擁有領隊牌的她客串做導遊，還首試搭水晶纜車滋味，坐在透明車卡裏感覺猶如企在天上面。
雖然她之前有去過拍攝的地方，但有所不同的是這是深度遊，上山下海，辛苦得來很開心，超級喜愛郊外活動的Michelle興奮說：「其中要出海睇中華白海豚，我好鍾意海和動物，所以最期待，最後雖然睇唔到，但同小朋友一齊喺船上摺紙船都覺得好開心。」拍攝期間勾起了她的童年回憶，「我記得細個時最鍾意活動係爸爸帶我哋上山放風箏，現在嘅活動變咗落海，今次拍攝兩樣都做到，所以好開心，始終香港是繁榮之地，趁住去到郊外放慢腳步，靜思一下。」