相隔18年再合作默契依舊
香港文匯報訊 由「雙影帝」組合劉德華、劉青雲，聯同內地女星倪妮領銜主演的電影《拆彈專家2》將於今年壓軸登場，今次是華仔、青雲繼《嚦咕嚦咕新年財》後，相隔18年再度合作，戲內亦敵亦友，戲外則無所不談。華仔表示今次電影充滿令人反思的訊息，就連他亦有所覺悟！
相隔多年再跟華仔碰頭，青雲直言兩人默契依然：「時間多與少跟默契沒有關係，有些演員會特別有火花，等於今次《拆彈專家2》，大家有共同理念。」華仔也認為人與人之間的緣分很特別，「每次跟不同演員合作，好似入行初期同發哥（周潤發）等演員合作都會有特別默契，就算鏡頭冇特別交代是兩兄弟，出來感覺都會畀人是兩兄弟，呢個係演員間的化學作用，正如青雲同倪妮有一場戲，我在旁邊看，令我覺得『嘩』，成套電影充滿了演員�H努力，有意想不到�H驚喜！」
《拆彈專家2》中有連場槍戰、爆破、武打等場面。問到兩位影帝最難忘的拍攝場面，青雲坦言是當中一場「拯救」戲，二人登上一輛貨車，然後由吊臂將貨車吊上八層樓高，青雲說：「雖然導演有話吊高，但冇講會吊幾高，拍攝時候1､2､3就吊咗上去，我仲諗住會慢慢試，點知一take完成。」身旁華仔聞言即指：「雖然係好快，但見武指佢哋好認真，每次吊之前都會檢查條威吔有冇受損，以前拍戲就搵命搏，𠵱家會覺得被照顧，安全感好大。」
最危險的炸彈其實是人性
雖然貨車一幕場面是驚險，不過最令華仔印象深刻的卻是另一幕：「我最深刻反而係第一次同青雲開工，感覺好新鮮，好似見返個舊朋友咁，十幾年前合作�H感覺返晒嚟！」
華仔與青雲，在過往的電影中，先後飾演過拆彈專家，不過《拆彈專家2》不約而同令他們有不同的體會，青雲說：「好多年前我演�H拆彈專家，是帶有喜劇感，今次是實牙實齒�H拆彈專家，有好複雜�H行動同大型�H爆炸，而且今次帶出一個訊息，有啲嘢失去咗係搵唔返。」華仔亦表示今次電影充滿令人反思的訊息，就連他亦有所覺悟：「意外同明天，大家唔會知道邊樣出現先，角色中�H我，經常緬懷過去，然後又會話將來要點點點，但其實最重要�H唔係過去、唔係將來，係現在，同時亦帶出世界上最危險�H炸彈其實係人性。」