■廿多年後，郭晉安與何弘軒再擺相同甫士合照。香港文匯報訊 歌手何弘軒（Alan）的母親今年7月確診新冠肺炎，他亦因而要入住隔離營。為了給母親及所有面對逆境及疫境的港人打氣，何弘軒在隔離營親自作曲填詞《Don't be Afraid》。他坦言創作過程十分順利，只需數小時便完工，並謂感激過程中獲不少好友力撐：「我同教會朋友講起呢隻歌，佢哋個個都覺得好有意義，所以我話想佢哋幫手拍段片放落MV嗰陣，佢哋都一口答應，好似陳敏之、關心妍、陳明恩等。」
最令Alan意外和感動的是郭晉安（安仔），他說：「我同佢其實只係22年前合作過，但我之前撞返佢，同佢講開呢隻歌，佢都好支持，仲二話不說立即拍咗條呼籲片畀我，希望幫到手提高大家嘅防疫意識同埋減少大家嘅恐懼，我喺度想衷心多謝佢同埋所有幫過我嘅朋友。」
談及母親「抗病」經歷，Alan坦言要靠意志：「我媽咪雖然65歲，但佢拒絕試藥，因為擔心副作用。抗病期間當然係辛苦嘅，因為會好攰，又會反覆咁發燒，但其實只要好好咁休息，增強免疫力，最後都係會康復，我媽咪大概三星期左右就好返。」
他續說除了病痛折磨，心理壓力亦令全家人十分難熬：「首先我媽咪含菌量較低，所以住院期間會擔心同房人病情，對方只要一咳就會擔心影響到自己。另外亦都好擔心自己會影響到冇染疫嘅親友，變相好驚同人接觸。」談到後遺症，Alan直言母親喘氣情況較前嚴重，而且對衞生等問題亦較染病前緊張，「呢個時候，大家團結同互相支持真係好重要。」