■ 苑瓊丹(左二)跟幾位好友來個BBQ送別會。香港文匯報訊（記者 李思穎）苑瓊丹（苑仔）主持的香港開電視節目《開工大吉77》，日前錄影最後一集，邀來好友曹查理、吳沅儀、劉錫賢擔任嘉賓，眾人來個BBQ送別會，壓軸一集來個「反傳統」，由這幾位老友反客為主訪問苑仔，膽粗粗的曹查理追問當年苑仔與林正英的一段情，向來對感情低調的苑仔只輕輕帶過話題，但就自爆在行內出名多人追。
苑仔主持《開》節目長達一年，這段拍攝時期遇上疫情，令製作增添難度，她表示：「呢段時間我哋都要戴口罩，又有限聚令等等，要搵嘉賓、場地都唔容易！所以同成班Crew好似『打大佬』咁，過完一關又一關！」
曹查理率先搶問苑仔感情事，直指她與林正英的戀情令人驚喜，何以「木獨」的林正英會與苑仔搭上？苑仔笑言二人拍戲相識，沒所謂「邊個追邊個」：「對住曹查理咪老古董，因為佢唔夠得意嘛，我係賣可愛，男人真係唔好同我傾多兩句，實死冇生啊！我呢行出咗名多人追，好多行外男友，唔使講㗎喇，我通常設個陷阱畀你，等你行埋嚟追我，哈哈！」其間曹查理「鬧」苑仔賣花讚花香，反問對方有否為另一半離世而情緒低落？苑仔指當時專心拍戲，繼而指沒收到曹查理打電話關心自己。
吳沅儀亦「唔執輸」，要苑仔自爆圈中「仇家」，她笑稱收人錢財、受氣是應分，無暇與人結怨：「我擔心收唔到錢多過有冇仇口，如果錢少又受氣，梗係唔拍啦！但如果正常酬勞，當被鬼磧照做囉，有啲年紀大過你又唔睇劇本，唔通打佢咩？我呢行冇敵人，即使唔鍾意邊個都要拍埋佢，因為冇交流會影響發揮，最多事後先『篤』你，哈哈！」
劉錫賢爆好友多投資，屬圈中富婆之一，苑仔解釋：「為生活要儲錢，因在這行太被動，好天斬埋落雨柴先有安全感，好似呢個節目話唔做就唔做，咁就冇收入囉！有得搵就搵！」