■性感亮相的姜麗文(左)明顯比姚子羚搶鏡。香港文匯報訊（記者 梁靜儀）姚子羚與姜麗文前晚到將軍澳電視城錄影節目《流行經典50年》。姜麗文前晚穿上超低胸短裙錄影節目，她笑言不覺很性感，而未婚夫亦不會對她的衣着管束：「我有send相畀佢睇，但最後都係我決定，可能我喺加拿大成長，未婚夫喺英國長大，我倆的性感尺度較寬鬆，只係有次可能太誇張，才叫我加件褸，佢都明白我做藝人，有時會性感，佢今次都有讚我beautiful，我就話『I know』。」。
姜麗文原定今年2月2日與男友舉行婚禮，因疫情關係而叫停，她謂現在會暫停婚禮計劃，明年視乎情況再決定。她坦言雖然未簽字結婚，但已跟未婚夫同居：「我哋拍拖9個月已同住，一齊4年從未鬧過交，有問題會直接講，大家好夾，所以嫁畀佢。」她又自爆心急生B，她覺得爸爸抱孫的畫面會好感動，想起都眼濕濕。問到爸爸可有催她早日生B？她說：「冇，佢唔會講，話生B係我嘅決定，唔好用佢做藉口，現在等明年拍完劇集《白色強人II》再去諗。」
姚子羚興奮摸拍檔腹肌
近日忙於拍攝劇集《拳王》的子羚，談到政府因第四波疫情嚴峻，再次收緊限聚令，問到拍外景可有影響？子羚表示一切由公司安排，劇組會因應疫情作變動，可能會將外景改回公司拍攝。
她又透露稍後會拍攝擂台戲，預計要拍攝兩星期，拍檔張振朗和黎耀祥因要騷肌拍擂台打鬥戲會比較辛苦，而她就拍得很開心，她笑說：「因為同張振朗熟，所以都有摸過佢啲朱古力（腹肌），不過我同朱敏瀚唔算好熟，所以唔敢摸佢。至於祥哥（黎耀祥）開頭都唔敢摸佢啲朱古力，因為阿嫂在場，我要問准阿嫂先可以摸，摸咗一吓好開心，發覺佢哋真係有料到，希望到正式拍攝嘅時候可以捉住佢哋三個猛男一齊影張肌肉相。」