香港文匯報訊（記者 文森）政府雖然研究在使用未經註冊新冠疫苗時可免除藥廠責任，但食物及衞生局局長陳肇始指出，如果巿民注射疫苗後出現不良反應，是涉及藥廠製造疫苗時沒有依照標準或出現污染等問題，仍將會追究藥廠責任。
政府將就使用新冠疫苗進行緊急立法，而陳肇始接受now新聞台節目訪問時表示，政府會監察市民接種新冠疫苗後的反應，假若巿民接種疫苗後出現不良反應，政府會調查成因，不排除追究藥廠責任：「如果記錄到市民有不良反應，有啲唔同嘅副作用，要審視原因，會同藥廠溝通，如果係一般反應就正常，如果喺調查當中，呢啲反應係因為藥廠本身污染，或者疫苗製造過程無依照標準，一定追究佢（藥廠）。」
她解釋，有些疫苗副作用或在接種後多年才浮現，而特區政府正參考國際做法，可能免除藥廠這方面責任：「新冠疫苗短短一年，過往其他疫苗要十年、八年去檢視佢嘅副作用，可能唔係咁快浮現出嚟，係一直要去跟進。有些其他國際做法，喺呢方面做一個免責，我哋𠵱家要研究。」
被問到有建議以派錢等形式鼓勵市民接種新冠疫苗，陳肇始未有正面回應，只表示現階段要令市民建立接種新冠疫苗的信心，將會推出公眾教育和宣傳。