●曾自鳴向康文署投訴指露宿者喺公園煮食促驅趕，結果被網民鬧爆「涼薄」。 fb截圖先有黑暴、後有疫情，令香港的失業潮湧現，有人喺財政緊絀下被迫露宿街頭。不過，攬炒派油尖旺區議員、民主黨曾自鳴近日就利用議員身份向康文署施壓，驅趕公園嘅露宿者，俾網民鬧爆做法令無家者無處容身，鬧佢「做人涼薄，是有報應的！」
曾自鳴此前喺facebook直播，話油尖旺區埃華街公園有露宿者打邊爐煮食，已向康文署投訴，嗰班露宿者違反限聚令及造成衞生問題。翌日，佢再發帖話：「我再次要求油尖旺區副康樂事務經理加強跟進，徹底改善相關情況，並要求今天內有進一步回覆。今早，我收到街坊告知，現場環境比起之前有所改善，我亦到場視察，仍然有零聲（星）物資存放，我會繼續要求康文署認真處理。」
佢仲話：「我相信大家見到一班人在公園上面嘅公眾位置公然打邊爐，不論在衞生或者其他方面，亦不為理想。難道大家可以接受如此情況？」
不過，有網民就話替露宿者擔憂。「Wade Chan」問：「曾議員，我都想問你禁（咁）樣趕走晒班露宿者，佢哋可以去邊度瞓，之前就話可能有麥當勞，而（𠵱）家都無埋，我想問聲，距（佢）地（哋）可以去邊？」「Happy Ha」就話：「先攪（搞）清咩係露宿者先？無家者，應該在那（哪）裏煮食？只係要唔在你區就可以？」「Alan Lee」就覺得有人沒有同理心：「希望你無得做區議員之後加入露宿者行列！做人涼薄，是有報應的！」
黃絲諷曾自打嘴巴
有黃絲就話曾自鳴自打嘴巴。「Lo Chun」話：「口講唔信『港共』，要『×警×全家』，但轉頭就遵從『惡法』、支持『×警』執法......」
攬炒派組織「學生歷量」亦在fb發帖話：「曾議員以簡單一句『衛（衞）生問題』便要求康文署將公園的露宿者趕走。區議員不為區內弱勢發聲，更利用其身份向康文署施壓，驅趕無家者，這就是『為民請命』的『民主派』。」
●香港文匯報記者 黃書蘭