香港文匯報訊（記者 梁靜儀）林盛斌（Bob）向來都是樂天派，遇上逆境也會積極面對，平日他除了會在社交平台分享日常生活外，更會分享自己如何樂觀極積面對生活，新一年他更計劃開設個人網上頻道，將自己所學到的跟大家分享，發放正能量。
近年事業發展順暢家庭美滿的Bob，去年因疫情關係，不少工作突然煞停，旗下的製作公司更是「大鑊」，要動用儲備：「公司大約有10個員工，我同拍檔講，幾辛苦都好，要留住每一個員工，好彩咁多年來儲落唔少客人，每個月都有啲嘢做，公司都維持到，可能早兩年賺到嘅都要拎返晒出嚟，但做生意就係咁，營運有高低起跌，係需要多少少時間，但頂得住嘅冇問題。」
阿Bob有感大家過去一年跟他同樣要面對不少困難，平日都會在社交平台分享一些正能量幫大家打氣，今年他更計劃開設個人頻道：「新年後就會積極拍片，會係類似一啲課程，係令大家點樣諗嘢正面、開心，點樣喺困難中企返起身，同埋點樣賺錢， 但唔係人生課程，只係覺得香港唔係太多人講呢方面嘅嘢， 自己唔係大師級，仲係小朋友階段，只係過去呢10年睇咗好多有關呢類型嘅書同埋聽咗好多大師級講座，希望將自己學到嘅同大家分享。」