●林兆彬為黃店「伸張正義」，但被網民質疑「自編自導自演」。 fb截圖黃絲嘅雙重標準，其實真係數之不盡。最新一例係當黃店門口被貼上嘲諷係曱甴店嘅海報時，成班黃絲就即刻起晒槓，瞬間將之前黃絲「裝修」藍店時嗰份有恃無恐嘅氣焰拋諸腦後。近日，有市民發現幾間黃店門外都被貼上「曱甴店食痾你」海報，攬炒派油尖旺區議員林兆彬即喺facebook發帖為其中一間黃店發聲，聲稱黃店俾惡意貼上海報好過分喎。不過，有網民留言質疑成件事係咪黃店自編自導自演，扮受害博人同情，再呃黃絲乖乖送上門，「橋唔怕舊，聽日又一班傻曱甴去排隊啦！」
近日有幾間黃店門外相繼俾人貼上「曱甴店食痾你」海報，包括位於天水圍及屯門嘅「榮少喇沙」分店、太子嘅「徐記廚房」以及新蒲崗嘅「重光弁?」。「榮少喇沙」老闆「榮少」接受媒體訪問時稱，估計係同店舖參與「五一懲罰祭」有關，因為「榮少喇沙」及「重光弁?」都有發帖表明已參與黃圈發起嘅所謂「五一懲罰祭」，而帖文下亦有相同人等留言指，不滿餐廳嘅服務或食物質素。
面對黃店俾人貼「曱甴店食痾你」海報，林兆彬撲出嚟為黃店「伸張正義」，稱「徐記廚房」發現門口被人惡意貼上「曱甴店食痾你」單張，「d（啲）藍絲好離譜！」但事實上如果真係藍絲做嘅，已經好斯文喇喎，畢竟只係貼文宣，相較起黃絲暴徒所謂嘅「裝修」真係差之千里。
網民「Anson Kwok」亦貼上之前吉野家同美心俾打砸嘅相諷刺：「嘩！真係離×譜！」「Chinese China」亦話：「曱甴『裝修』為公義，『私了』為公義。呢個世界最民主就係香港曱甴。」
不過，許多心水清嘅網民質疑，係咪因為黃店客仔少，所以搞齣自編自導自演嘅戲。「May Kam」就鬧爆：「黃絲成日去攪（搞）其他店舖你哋又唔出聲，根本係賊喊捉賊。無生意响（喺）到（度）攪（搞）自編自導自演，想黃絲幫襯。」
諷黃店扮受害博同情
「YanYan Lo」指：「真係橋唔怕舊最緊要受，屈到人之餘又可以扮受害搏（博）人同情，最重要係有×仔信吖嘛。」
「劉佘」就踢爆：「間嘢（舖）好×靜，係咪自編自導自演博同情呀？『手足』又要去科（課）金。」「Fai Fai」附和道：「係囉，唔咁樣點得人可憐、告急呀。」
「Nicole Lo」亦說：「橋唔怕舊，聽日又一班傻曱甴去排隊啦！」「Ng Connie」批評：「又玩自編自導自演宣傳，好心用d（啲）新橋啦！ 記得千萬唔好報警呀！」●香港文匯報記者 郭家好