[2003-04-26] 特寫：醫護投訴 「名嘴」鬧足一分鐘
引發高永文昨天感慨的其中一個導火線，是有醫護人員陳太致電「名嘴」鄭經翰節目，講述自己的困惑。在高永文回答期間，「名嘴」大罵高永文和醫管局足足一分鐘。以下是對話節錄：
陳太(醫護人員)哭訴說：在十三周前已自己攞假，現在要返工，非常擔心安全。
鄭：她之前已自己攞假，可否計番給她，讓她放假。
高：我哋唔需要咁樣計數，要有需要幫助的，就算多過這個數的我都幫，唔駛你去計呢條數，鄭經翰。
鄭：點解唔駛我計，我而家監察緊你高永文，你有冇搞錯呀你，（高：明白明白），喂呀你攞緊四百幾萬一年人工，而講緊一個護士，人哋負資產，又要供樓又大肚，你有冇搞錯呀咁講嘢法……做人係要felxible（彈性）……我話畀你聽呢𦬓係我職責，我地刦反映民間意見，（高：好好好），阿董生話急市民所急，（高：好），聽市民的聲音，你亦都要急你同事的感覺……
高：我可以幫佢。
鄭：而家政府部門、高層、包括董生在內，係非常不滿你哋的管理手法，你重唔去撥亂反正，你如何向市民交待。
高：這位同事（指陳太），我再講清楚，頭先我可能講得唔清楚，我再講清楚一次，在而家的制度，妳唔敢返工，用自己假，甚至無薪假，對妳有經濟上的困難，我只是承諾向個別、或者（類似）妳的有困難（的同事）提供經濟上支持，……
醫護人員陳太：我已問財務公司……
高：根本我唔需要同妳計較番時間咁解，妳有經濟上困難，妳需要幾多可以同我傾……
醫護人員陳太：即是你借錢畀我……？
高：我哋唔需要借，我地是可以支持，好希望解決妳的問題。
鄭：如果高永文你用這種態度處事，我哋對你欽佩……
|
