彭健新花甲生日派對 譚詠麟「花鴿聯盟」祝賀

放大圖片

　■彭健新慶祝60歲壽辰，不但太座陪伴，還有「溫拿」及一班好友祝賀，真係生日快樂。

　【本報訊】（記者 李思穎）溫拿五虎前晚再度聚頭，為譚詠麟監製的佛歌《十方一念》錄音，提到昨日是曾志偉的56歲生日，阿倫自爆跟志偉失去聯絡，可能是之前把對方激嬲，不過阿倫會貫徹一向作風，就算志偉生日，依然不會收口，不然轉死性會更加危險。

　阿倫於昨晚會到機場的高爾夫球會為志偉和秀姑慶祝生日，他透露：「剛在三月底在同一地方幫健仔（彭健新）慶祝60歲壽辰，這趟可說是『花鴿大聯盟』，出席者包括乳鴿、老鴿、妙齡鴿，統統到齊，當晚剛巧是關楚耀從日本回港，大家都在附近，可能是心有靈犀。」阿倫等人送上結他給健仔做禮物，繼而發揮幽默本色：「60歲花甲仍然有牙、有頭髮、行得郁得，仲想點，雖然健仔年屆60，佢心智只得16，哈哈！」旁邊的健仔不停叫阿倫不要經常強調他60歲，阿倫搞笑地拍打健仔身體笑說：「仲係啪啪聲，幾好呀！最緊要開心。」

　「花甲大聯盟生日派對」到賀好友還有陳百祥、黃杏秀、狄波拉與鬍鬚Kong、雷安娜等。今次取名「花甲大聯盟」因溫拿成員已開始步入花甲之年，健仔是第一人成為001號。

以為曾志偉被玩嬲

　當問到阿倫知否志偉前晚如何慶祝生日，阿倫謂：「唔知喎，我們失去聯絡，我係海外打了四次電話，回來又打了兩次，但都找不上他，以為佢嬲咗我口添，因為上次係健仔個派對太過開心，玩得太激烈，志偉用蛋糕捽落健仔塊面，我好多年前已經無玩掟蛋糕，不想浪費食物，所以當時有少少火都嚟。（有何祝福給志偉？）祝佢長高一些，不要給人仆頭。（不怕他嬲？）千祈唔可以嬲，他玩人咁『痕』，人地玩都要接受。」阿倫和朋友們會夾份送禮物給志偉和秀姑，但阿倫也不知是什麼禮物。稍後阿倫會到北京「鳥巢」為成龍演唱會做嘉賓，當阿倫聽到志偉把「鳥巢」說成「倫巢」，他笑到合不攏嘴：「真係唔知，好好笑，第一次聽。（(你們會否在志偉生日時收口？）一樣唔收口，收口便轉死性，咁會好危險。」

提醒新人要有鬥心

　談到近日不少新一輩歌手走音，阿倫先「唉」了一聲，他認為新人剛起步，經驗不足，提醒他們不要因此給打沉，今日唔得便再做好一點，唱到大家為你拍手為止，要有鬥心。

　阿B覺得唱得多便會好，他說：「我們初出道時便唱現場，現在的新人是錄音先，我在他們的CD上都從來無聽過走音，可能令他們以為自己好『醒』，不知唱現場會好易出事。」阿倫不諱言現今的先進科技令到首歌好聽，最好是給新人多些唱現場的機會。