|
李自明
「癲狗幫」社民連3名議員在莊嚴的議事堂內「搞破壞」變本加厲，搞到會議中斷成為家常便飯，最近更禍及無辜，令一名保安員受傷，社會上譴責聲四起。有立會中人向自明透露，立會申訴部近期共收到69份對癲狗幫所為的意見，大部分均要求制裁癲狗幫的行為；議事規則委員會順應民意，將在下次會議上討論是否需要進一步引入限制議員不當行為的新安排。不過，該立會中人對成事不抱希望，指「可能性近乎零」，皆因反對派一定會為自己友「護短」，「一句到尾，癲狗幫夠膽『越玩越過分』，都係恃仗有反對派自己友『護航撐腰』啫。」
「無法」自然「無天」 「3丑」自覺大晒
不少政商界朋友同自明談論癲狗幫「3丑」行徑，幾乎個個大惑不解，「點解堂堂立法會管佢哋唔到？」立會中人坦言：「『無法』自然可以『無天』，佢哋直情內化咗呢種癲狂行為嘅正當性，變得真係以為自己大晒，點講點做都得，結果自然越玩越癲啦！」
照理說，市民不滿聲音越來越強烈，立法會「點都應該做啲嘢」。但事實是，議事規則委員會讓市民一次又一次失望。立會中人回顧說，遠的不說，今年中癲狗幫在立法會掟蕉講粗口，市民投訴如雪片般飛來，但反對派議員先是扮看不到，然後面對民情激憤就假惺惺作出譴責，但到議事規則委員會討論修訂規則時，反對派委員卻「變臉護短」，最終令議事規則「原地踏步」。
反對派「護短」 阻收緊議事規則
立會中人嘆息說：「據我所知，譚Sir（譚耀宗）想効委員會會議度反映公眾意見，大家一齊嚟度吓點樣可以唔畀癲狗幫無限度胡鬧落去。但反對派班人，最叻係對敵人小事化大無限上綱，對自己友就大事化小小事化無。唔好聽佢哋開口正義，閉口道德，到關鍵時刻，正義道德都係因人而異嘅。呢種作為，仲要企響道德高地振振有詞，真係唔知醜字點寫！」
有老友問過自明，反對派其他黨派也算是癲狗幫發狠的「受害人」，為何他們還要「護短」？立會中人也有同感：「張文（民主黨的張文光）講幾句都俾狂郁人（黃毓民）追打啦，阿基（馮檢基）寫兩篇文亦都俾佢響公開場合搶咪指罵。如果話要維護言論自由，咁班友又掟嘢又郁手郁腳已經超出言論自由嘅範圍啦，大部分市民都不恥佢哋嘅所為，咁點解佢哋仲可藐視民意，其他人屁都唔敢放多個呢？」
容忍肆意欺凌者 破壞無可挽回
他坦言，其實，猜測反對派議員的心態動機，意義不大，「好大可能係，佢哋自己10個人有10個目的」。不過，他誠意向反對派議員推薦《拒絕混蛋守則（The No Asshole Rule）》一書。書的核心意思是闡述，如果企業容忍肆意欺凌者存在，對此視而不見，最終會對整個企業造成無可挽回的重大破壞，所以負責任者都應當訂立「拒絕混蛋守則」，營造一個人人可盡展所長的工作環境。
立會支持度21% 反對派難卸責
立會中人說：「《拒絕混蛋守則》裡面講嘅，其實同樣可以套用効立法會身上，你睇吓港大民研計劃効做嘅民調，受訪者對立法會整體表現嘅滿意度只得21%，如果攞同一個月特首嘅支持度嚟比較，咁特首都仲有40%支持率𡦃，呢個調查反映咗，如果反對派再唔真心參與討論、支持收緊議事規則或加重懲罰機制，節制癲狗幫所為，議會形象仲會『插水』，而且總有一日，絕大部分市民都將這筆帳記在整個反對派頭上！」
|
