|
李自明
所謂「雙曾羅生門」事件似乎越演越烈，政壇老友本不欲加入此口水戰中，但他一聽到反對派中的何秀蘭，公然抬出所謂「公眾知情權」作護身符，威脅阿曾取消保密協議，否則就要「爆料」，就令老友如骨鯁在喉，不吐不快。他批評部分反對派「反轉豬肚就係屎」：「既然唔想保密，會面時就應該出聲話唔同意，而唔係到依家先『理曲氣壯』咁公然違背大家已經同意咗嘅協議，咁樣即係冇口齒。由此可見，呢班成日將『誠信』、『道德』掛在嘴邊的反對派，根本就冇誠信，更無道德！」
閉門會中事 真假難辨無謂糾纏
老友先向自明坦言，無意在「阿曾有冇講，煲呔有冇講」的問題上糾纏，只因閉門會中之事，非當事人實難以判斷孰真孰假，現在看問題的重點是政治誠信和道德問題：「有啲嘢真係好難講，話唔定當日阿曾畀班反對派追問邊個政府官員游說過佢投票時，搞錯爛gag，攞煲呔嚟講笑，結果畀人借題發揮呢？我想講的重點係，經過今次爆料事件，有啲反對已經誠信徹底破產啦，叫人仲點信得落呢！」
何秀蘭先提保密 不該公然反口
老友認為，無論哪一個採取民主制度的國家或地區，都會有代表不同意見的政黨，有時雙方為不同議題爭拗得面紅耳赤，甚至視同仇讎，但政黨與政黨之間、政客同政客之間的交往，還是要講求政治誠信、政治道德的，尤其香港的反對派經常自封站在「道德高地」，宣稱自己「有誠信」，就更應當言行一致，但他們所言所為卻往往反其道而行，還要聲大夾惡，何秀蘭是次效李卓人威脅「爆料」，只不過是又一次顯示，反對派為了「政治抽水」，就可以將「誠信」、「道德」統統丟到垃圾桶。
他說，今次阿曾同班反對派議員見面，不是開茶話會，而是有目的地談阿曾的「辭職投票」論。既然反對派一直試圖將這件事當成天大的事件，那麼何秀蘭同李卓人一開始就大可以說，為了「公眾知情權」而不同意保密，而不是當時說同意保密，但開完會後就斷章取義地「引述」一些不知是真是假的指控來罵人，「尤其係何秀蘭，當日佢首先提出互不引述，等李卓人講咗幾日，先突然威脅要詳細公開會面內容，令人懷疑佢係咪對李卓人搶咗『放料』頭啖湯又羨又妒，所以先撲出來諗住撈返啲油渣！」
意圖「撈油渣者」又豈止何秀蘭一人。正在為所謂「公投」反應冷淡而「爆頭」的公文袋阿豬余，亦「加把口」要求取消「保密協議」。老友說，阿豬余作為資深大狀，應該知道律師最重要的，就是誠信同專業道德，只要有一個人不堅持誠信道德，而其他律師行家還要幫口說這個人做得對，那以後還會有人信任律師嗎？「仲有，妳係人阿媽，如果個女話要同妳講個秘密，但要妳應承唔可以話畀其他人聽，妳會唔會應承咗吽B聽埋佢講之後，轉頭就四圍去講？」
余若薇為「公投」 律師誠信都不講
老友嘆言：「就為咗催谷已經陰陽怪氣、氣若游絲的所謂『公投』，阿豬余將賴以為人的『誠信』、『道德』掟埋一邊，加把口吸引傳媒目光，製造輿論，實在令人齒冷！」不過，老友相信眼睛雪亮的香港市民，不會輕易被這些低劣伎倆蒙蔽，反而在這個所謂「公投」的前夕，再一次記起反對派平日的危言聳聽「有幾多成是可信的」：「就連自己的承諾都可以隨時變臉打破的人，真係信佢兩成都嫌多啦！」
|
