|
李自明
「5區劈炮」鬧劇下月中便曲終人散，癲民兩黨雖挖空心思催谷選情，可惜備受各界鞭笞、抨擊、冷待。受盡民意懲罰的公文袋見勢色不對，可能為免因「公投」一役「一鋪清黨」，竟然悄悄施展「政治八爪魚」伎倆，安插自己人以非公文袋名義加入終選聯，有反對派核心人士看在眼裡，笑到掉牙：「公文袋以為咁做，就可以食兩家茶禮，到時就算補選慘淡收場，佢都仲可以話自己効終選中亦有貢獻，先安插黨羽進來，只為日後方便邀功。但世界邊有咁大隻蛤蜊隨街跳？係人都知你公文袋玩邊科啦！」
政壇高人笑指，公文袋自上位以來，便想爭做反對派龍頭，惜一眾大狀「有姿勢冇實際」，以為靠形象就已夠「煞食」，沒有做好地區工作，遠離群眾，自不然支持度不斷下跌，選舉失利之餘，吞併白鴿黨的美夢亦宣告破滅。若公文袋知錯能改，或者不致於墮入今時今日的絕境，惜吞併白鴿黨「此路不通」後，公文袋竟轉投癲狗幫懷抱，結果有如「淑女流落風塵」，被癲狗幫「賣完一次又一次」。
湯家驊不可靠 找公專聯成員幫手
高人說，或許痛定思痛，公文袋心思思想「返回」溝通大路，但又放不下「藍血面子」，唯有借安插黨羽入終選聯，希望最後亦能為黨「止蝕離場」作些許背書。他坦言，公文袋在終選聯中本已有「代表」，即鐵口反對「公投」的大口湯，可惜阿豬余等早視大口湯為黨的「負資產」，將他投閒置散，「係差在未烹佢走啫」：「大口湯一早就表明立場，令自己成為公文袋的邊緣人，所以公文袋無法借大口湯過橋，唯有另覓他途！搵啲自己友加入終選聯，又便於操控，又可以收風攞料，最後又可以將部分終選聯的功勞據為己有。」
可惜公文袋算盤雖精，動作卻太明顯，早被終選聯核心成員發覺「勢色唔係幾妥」：「有一批年輕的公文袋公民，本身又是專業人者，便以公共專業聯盟途徑加入普選聯。」有反對派人士更發現，不僅公文袋「入侵」終選聯，連癲狗幫也安插了「眼線」：「癲狗幫在08年立法會選舉中吸納的一批80後憤青，在玩激進之餘，同一時間也打着其他名義，成為普選聯成員之一，且表現積極。」
為公投失敗下台階 抽終選聯油水
對公文袋想食盡兩家茶禮，政壇高人認為實在「太天真太傻」。正所謂「你精我唔笨」，白鴿黨難得可以號召溫和反對派另起爐灶，搞到有滋有味，又豈會容忍癲民兩黨「冷手執個熱煎堆」？他說：「明眼人一睇就知癲民兩黨打乜主意，佢地係見『公投』補選搞極冇人理，仲輸埋民意，反而終選聯又有中間人穿針引線做傳話人，又可以與『有職位、有實權』的『中央人士』進行溝通，梗係想趁機抽水。」
他笑說，癲民黨此舉無異於「自我精神分裂」：「佢哋可能最後想厚住面皮出來講，我哋一早就知會有咁樣的結果，先會自己又扮紅臉，又扮黑臉，我哋其實同終選聯一直都係同路人，之前啲所做所為，只係政治策略啫—咁樣厚面皮抽水，你作為普通市民，受唔受呀？」
|
