 放大圖片
香港文匯報訊 楊千嬅已幫BB改英文名Torres。經理人公司發言人透露，由丁子高和丁媽媽一齊改名，而千嬅要等傷口康復，仍未可落床，但已開始餵人奶，她嘗試了20分鐘，卻唔知BB有冇啜到，無法啦，呢個是新手「奶媽」，她會繼續餵人奶。發言人表示，千嬅透露覺得BB昨日眼仔碌碌，今日就掛住瞓，成日嘴郁郁發聲唱歌，好似自己，好特別。
另外，許志安（見圖）早前為新歌《心照不宣》拍MV，今次安仔認真形單影隻，因為他只有單拖一人拍，雖然MV中有靚女周美欣客串演出，而且還有床上親熱及咀嘴戲，可惜這些香艷鏡頭與安仔無褔消受，為此安仔曾向導演爭取要有美相陪，但最後結果是SAY NO，幸而拍攝當日有不少同事探班，安仔便自掏腰包買多枝名貴紅酒飲個痛快，自行開派對工作於娛樂呢！
今次安仔的新歌內容是講述一對情侶，女主角背著男友偷情，歌詞提到在某一個時間裡發現另一半偷情，令到這段情在這時間內永遠終止，為了配合歌詞意境，安仔獲得伯爵特別贊助了Piaget Emperador腕錶以作拍攝之用。安仔笑說：「今次拍MV好孤單，因為只有我自己咪咀，雖然有周美欣拍，不過佢同另一位模特兒一齊拍，我就冇份，我有成年沒拍ＭＶ，我都有問過導演點解冇女主角陪我拍，好似聽講蘇永康�瞎V有點香艷床戲，係蘇永康要求加些親熱戲。」但今次安仔就不及蘇永康般好艷褔，他對周美欣說：「我們兩個唔能夠同場拍真係遺憾。」
|
放大圖片
