騷小蠻腰 展唱功 徐小鳳贈鄭秀文幸福金戒指

放大圖片

■小鳳姐即場除戒指贈Sammi。

香港文匯報訊（記者 李思穎）徐小鳳合共八場《徐小鳳走過順逆流，依然金光燦爛2014演唱會》前晚假紅館展開序幕，小鳳姐不負眾望，再度穿上經典波波裙重現舞台，又以多襲魚尾裙上陣大騷小蠻腰，唱功了得的她不時把咪高峰離嘴十多吋，歌聲依然雄亮，小鳳姐更準備二枚金戒指送贈表演嘉賓之一的鄭秀文(Sammi)，其中一枚是送贈能給Sammi幸福的「佢先生」，認真體貼。

當晚前來捧場圈中人有向華強一家人、楊受成夫婦、戚美珍、胡楓、盧海鵬、羅蘭及劉培基等。小鳳姐全晚表現風騷，不時跟觀眾互動「寸」嘴大搞氣氛，又獻唱不少經典名曲，舞台上不時有煙火、噴火、激光效果，令人目不暇給，小鳳姐一身金閃魚尾裙在花冠包圍下隨隨升上舞台，開騷十多分鐘便走近觀眾席握手，又用平板電腦同粉絲拍照，好不親民。

施展吹口哨絕技

期間有人大讚她靚女，她開心說：「今時今日仲叫我靚女，靚爆鏡，我承認，多謝給我信心，我知自己幾時靚和不靚，上台時應整整齊齊，但行超市便不理太多，會令大家失望，不要介意，作為歌手都需要一些空間。」小鳳姐又覺得香港人性格較怕醜，不敢表達愛意，此時有歌迷大嗌「I Love You」，小鳳姐回贈對方「I Need You」、「I Want You」引來全場發笑。當有歌迷吹口哨時，小鳳姐打趣道：「我去街經常有人咁調戲我，已經習慣，我當年都係飛女。」隨即便施展吹口哨絕技。

當晚由盧冠廷和鄭秀文擔任表演嘉賓，小鳳姐先與盧冠廷Jam歌，更罕有地獻唱英文歌《Love Me Tender》，最鬼馬是自創中文譯音，將歌詞「Love me tender， love me sweet，never let you go」譯成「納米聽打，納米士V，呢法納米高」，還帶動粉絲一起學唱。

羨慕小鳳姐多忠實擁躉

另一嘉賓Sammi出場時引來哄動，Sammi和小鳳姐合唱《隨想曲》後，Sammi在對方恩准下踩在其裙上來過擁抱，Sammi攬完後高呼「依然係22吋腰」。小鳳姐笑指找Sammi做嘉賓原因：「因為你叫(瘦) 文、我係肥鳳。」Sammi即說：「邊係呢，你是fit鳳，條腰仲幼過我。」Sammi又話好羨慕小鳳姐，多年來仍有不少忠實擁躉捧場：「我唔知你今年幾多歲，假如你48歲，我48歲時不知能否像你一樣。」年屆65歲的小鳳姐幽默說：「年歲不用多講，看樣子我跟你差不多。」為答謝Sammi，小鳳姐準備了禮物給她，先是叫她把手伸出來，小鳳姐便即時把手上戴�茠漯鬻棓�除下送給Sammi，Sammi興奮地說：「好�蚍ヾA明天還要嘉賓來做。」小鳳姐為Sammi套上戒指說：「這一隻幫你戴，你的手好瘦，這是祝願你永遠幸福快樂。」繼而小鳳姐又在手上除下另一隻金戒指：「 另一隻是轉送畀『佢』。」Sammi笑�蚖﹛G「講呢�齱H」小鳳姐便說：「大家不要誤會，只要畀到Sammi幸福、健康、愉快便轉送畀佢，這個是『佢』先生。」現場有人大叫「安仔」名字，由於戒指太鬆，Sammi便暫放在口袋再唱歌。

串燒快歌會歌迷

尾聲時，小鳳姐突破地演繹羅文的《激光中》、劉德華的《獨自去偷歡》、梅艷芳的《夢伴》及郭富城的《唱這歌》等串燒快歌，在一眾舞蹈員勁舞伴隨下，小鳳姐輕輕擺動身體，唱畢後，她笑問：「嘩，我幾驚，得唔得，你話係咪自己累自己，這part歌無諗過唱，城城的歌好難唱。其實我有練過，但上到台便暈，什麼都忘掉了。」她便邀請排舞師Sunny Wong上台再示範這些動作，顯得生硬的她最雀躍是做打心口的動作，更獲排舞師Sunny 稱讚跳得比郭富城好。她笑說：「學了很耐，只學到�K心口的手勢。多謝全港最勁的排舞師，只係我唔爭氣！你們說係咪搵食艱難？但為了大家，我甚麼都願意。」

安歌環節，小鳳姐穿上改良過的經典波波裙現身，她表示：「這是最新波波裙，細過以前�鶗鞳A無咁論盡，本來想不再�荂A但聽講唔�虓|暴動，會唔會咁嚴重。」最後小鳳姐以一曲《喜氣洋洋》終結，順利完成三小時演出。