 放大圖片
■李治廷與陳喬恩一起行紅地毯。
香港文匯報訊 李治廷（Aarif）日前於內地勇奪「年度全能藝人」獎，Aarif今年在《武則天》中飾演深情的皇帝李治，更被封為「史上最帥皇帝」！除了演戲外，他親自為《武則天》作曲的《無字碑》亦是年度十大國語金曲，而在綜藝節目方面，他亦憑風趣幽默的暖男形象在《花樣姐姐》內迷倒了無數粉絲，跨越界別均做得出色，「全能藝人」當之無愧！
Aarif致辭時則謙虛說：「『全能』真係太誇獎我，我理解中的全能係涉及好多唔同範疇，亦需要得到好多人的寵愛，我覺得自己好幸運，但亦唔會咁貪心，希望在戲劇呢方面努力得到成績，先過到自己呢關。」問到他覺得自己哪方面最有才華時，他即回復搞笑本色說：「當然係自嘲！」下台後有要求合照的粉絲大讚他真人好靚仔，他竟認真答道：「應該的。」讓人哭笑不得。
雖然Aarif是既靚仔又全能的「小鮮肉」，不過他自爆對「某人」來說，自己還是輸了給型男胡歌，他笑說：「那個就係我阿媽，佢真係好鍾意胡歌。」他更指已忍心拒絕媽媽要胡歌親筆簽名的要求：「我唔係呷醋，但係佢成日都三更半夜唔瞓覺，一路食一路睇住胡歌，我𠵱家同佢講最多就係『媽，3點喇你快去瞓啦！』，我驚我帶簽名返去，佢會變本加厲。」
|
放大圖片
