 放大圖片
■Kelly臨時拉夫邀請座上客克勤上台擔任表演嘉賓。
香港文匯報訊（記者 李思穎）陳慧琳（Kelly）演唱會前晚順利完成第四場演出，當晚除了張家輝，更臨時拉夫邀請座上客的李克勤上台擔任表演嘉賓，克勤大讚Kelly所穿黑色超Deep V晚裝性感，即時向Kelly探路也想購置一件給太太盧淑儀，令夫妻間增添刺激，令全場爆笑。
前晚到來捧場嘉賓有陳慧嫻，李克勤，何超蓮，蘇志威等，張家輝繼續擔任表演嘉賓，Kelly已讚對方夠義氣，晚晚來撐場，家輝自嘲搞氣氛：「一家人唔好講咁多客氣說話，自己不過來做幾日『樂壇騙子』。」
「安哥」環節時，克勤在觀眾席上被邀上台，與Kelly再次合唱經典金曲《愛一個人》，為粉絲帶來意外驚喜，引來全場哄動！克勤甫上台便大讚Kelly：「好靚呀！你今日靚到呢！我哋識好耐，合作都好多，但沒想到原來結婚後做演唱會真的很不同！ 再靚咗好多！」克勤又大放笑彈：「今日上來有嘢想問你，你咁deep嗰套衫，邊個整㗎？我冇亂望㗎，唔信你問下陳慧嫻，我坐佢隔離，我冇亂望㗎。不過，我想問套衫邊個整，我諗住返去整套畀我老婆着。我哋結婚好耐了都需要有啲刺激，原來結了婚可以着呢啲喎。」隨即引得觀眾拍爛手掌，哈哈大笑。
克勤臨時問慧嫻借化妝品
克勤又指着Kelly舞台上的超靚超高清熒光幕，提議導演一陣唱歌時不要影他，影着Kelly便足夠，他笑說：「我未試過做演唱會嘉賓，睇睇下騷要專登入後台補妝，我臨時問陳慧嫻借了少少化妝品用，咁高清點唔補補？不過千萬不要影我大頭，我把聲是沒問題，但今晚個樣就差一些。」
尾聲時，全場大合唱，熒幕影着慧嫻也一齊大合唱《誰願放手》，令觀眾歡呼聲雷動，Kelly即說：「唔怪之得啦，今晚大合唱特別好聽！原來有慧嫻幫手唱，好多謝你呀Priscilla （陳慧嫻）！」
|
放大圖片
