 放大圖片
■薛凱琪主動咀杜江。
香港文匯報訊 薛凱琪（Fiona）與內地小生杜江在電影《高跟鞋先生》內合作，雖然Fiona拍過無數愛情片種，但今次她與杜江扮演情侶，卻令Fiona相當頭痛。Fiona解釋謂：「戲裡面我畀未婚夫背叛，令我對男人失去信心，後來仲同鍾意女扮男裝嘅李媛發生一段曖昧關係，但另一邊廂杜江因為暗戀我，所以扮女人同我做好姊妹，希望有更多親近我、了解我的機會，其實杜江眼大臉尖，扮女人可以靚過好多真女人，但每次我同佢拍夜班戲，見到佢啲鬚慢慢生出嚟，無論嗰場戲原先係幾咁浪漫，都好難忍到笑。」
原來Fiona有份向杜江傳授淑女秘技，令杜江比女人更女人。Fiona說：「鏡頭前，杜江可以好lady，但鏡頭後，佢會好man，仲會擘大對腳坐，我同佢講，做淑女，要泊埋對腳坐，要小心走光，舉手投足要斯文，慢慢地杜江鏡頭前鏡頭後都變得好淑女。佢太太霍思燕都有份拍呢部戲，我哋三個埋位開工，感覺大家好似好姊妹。」
提到戲中最難忘場面，Fiona坦言，絕對是她情不自禁主動吻向女裝打扮的杜江這一幕。「當時我未知杜江係男人，只知呢位好姊妹一直對我好好，有晚同佢提起傷心事，杜江鼓勵我嘅時候，我忍唔住主動錫佢。其實我腦裡面冇諗過呢個係男人抑或女人，只知道自己已經愛上呢個人，但呢場戲杜江係男扮女裝，着住裙、揸唇膏，其實拍嘅時候，我感覺有少少怪，亦令我好難忘。」
|
放大圖片
