魏秋樺贊成亞視員工「拔喉」

放大圖片

■右起：趙汝強、魏秋樺及王文漢昨日談及亞視。

香港文匯報訊（記者 梁靜儀）前亞視行政副總裁趙汝強、亞洲會會長魏秋樺及亞洲會理事長王文漢，昨日到旺角出席新春敬老活動，被問到有亞視員工因被欠兩個月薪金而入稟法院申請亞視清盤，魏秋樺就回應：「員工都係迫不得已，長痛不如短痛，不如『拔喉』。」

最近引用勞工法例10A離開亞視的趙汝強，表示去年十二月的薪金不知何年何月才到手。對於有亞視員工向亞視申請強制清盤，他說：「自己應該唔會參與，清盤當然唔好，現在亞視魏秋樺情況係頭痛醫頭腳痛醫腳，員工走得七七八八，保得住日常廣播，冇被人拔插蘇熄總制已經好好。」趙汝強之前一直負責亞洲小姐競選，問到亞姐是否會爛尾收場？他坦言亞姐成事機會好微：「當然好心痛，都想有個好結局，個尾收得靚啲。」

至於亞洲會理事長王文漢透露有前亞視投資者欲申請清盤令：「清盤令交畀律師處理緊，佢哋都係想保護返自己嘅資產。」問到他可有跟前亞視前股東王征見面？王文漢說：「無見過王征，但早幾日有通過電話，佢喺內地都好關心亞視嘅情況，佢係第一個受害者，佢都係想保住自己嘅資產。」問到亞洲會可會出錢做亞姐總決賽？他指該會在過去一年，已用了過百萬贊助亞視節目經費、請同事吃飯，如允許都想出錢搞亞姐總決賽。趙汝強稱大家都不想亞姐無疾而終。