 放大圖片
何先生
何先生：人工冇得加 置業顧慮多
近年樓價高企，網絡上有人謔稱住公屋者是「人生贏家」，而現居於港島公屋、剛於去年結婚的80後何先生嚐得「贏家」滋味。雖然有考慮「成家」應該「立室」，不過他直言：「急都無用啦，（樓價）太貴喇，畀你買到都要照顧一家大細，以及日常使費。」
首期連裝修恐達百萬
事實上，近年經濟淡風蔓延至各行各業，目前在金融機構資訊科技部任職的何先生苦呻今年無工資加，「上年都仲話加咗27%，今年成間公司都無加。」倘落實置業，他希望能於80萬元以內達成「上車」，「買樓還買樓，你都要顧裝修及購置傢俬，而家計首期同埋裝修，無一球都唔掂。」
基於住近家人以及方便工作的考量，何先生曾考慮過於港島東及沙田置業，他留意到沙田區私樓實用呎價動輒過萬，認為「450呎至600呎的單位跌到300萬至350萬元」方算回落至能負擔的水平。對於樓價指數累計跌逾一成，何先生直言：「一成太少喇，起碼三四成啦。」他認為樓價升了十多年，其間幅度更甚於通脹，工資增長則不甚顯著。
雙獨家庭養老負擔重
他認為買樓畢竟是長線投資，需顧及多個因素，加息因素將加重供樓負擔，同時要照顧配偶、家中長輩，並為其他突如其來的病痛或意外未雨綢繆。近年出生率下降，照顧家中長輩成為支出一環，「我又（係）獨仔佢（配偶）又獨女，壓力咁又大咗。」除此之外，「樓價一路咁升，但係啲樓都會舊，維修是一個好大問題」。
陳小姐:經濟走下坡 未到入市時
對於從事教育界的陳小姐來說，結婚及置業是一筆又一筆的支出，「結婚用了幾十萬元，然後又再儲過囉。」她苦訴即使收入高過入息中位數都未必有能力置業，「我有好多朋友揸住幾十萬都入唔到（市）」，笑道要視乎屋企人能否幫忙「減磅」。
再平兩三成才能負擔
陳小姐近月落足眼力留意身邊樓盤，初步心水收窄至港島及荃灣區。近年發展商尤好「將貨就價」推出「劏房」應市，當中不少是單幢項目，不過陳小姐表示絕不考慮，「呢啲單幢樓面積好細，位置唔太好」。反觀荃灣有些屋苑400餘萬元有逾500方呎面積，樓齡較新，並設有會所，「如果在東區，400多萬只搵到300幾呎，都無。」
近月樓價反覆向下，惟陳小姐仍抱觀望態度，「升都不止一成啦，跌一成又唔係大跌；加上現時經濟唔係咁好，呢個時候係咪入市嘅時機呢，我覺得未。」她認為累計要跌二至三成方能負擔。「現在根本入不敷支，成份工資揼去買樓，你淨係買樓唔使食啦，唔使做其他嘢啦，生活同工作平衡唔到，香港啲嘢又唔係平，茶餐廳食個飯都五六十蚊。」
收緊按揭更難湊首期
金管局早前收緊按揭成數，亦加重不少首次置業人士負擔，也令陳小姐更添無力感。「以前可以按九成，可以慢慢供，假設我買400萬嘅樓，計埋釐印同律師費，我諗我50萬就可以買到樓，而家只承按八成半，我差唔多要拎100萬出來。有咩人可以閒閒地攞100萬出來？」她苦呻收緊成數應該只針對炒賣或持有多層物業的人，而非打擊首置人士。■記者 蘇洪鏘
|
放大圖片
