■何嘉莉(左)和鄭希怡錫錫。香港文匯報訊（記者 梁靜儀）黃伊汶（Emme）、谷祖琳（小谷）、鄭希怡（Yumiko）及何嘉莉（Lillian）昨日到銅鑼灣出席護膚品牌活動，小谷的女兒在活動進行期間突然現身，面對鏡頭十分淡定。
何嘉莉去年底再婚下嫁機師男友時，未有邀請好姊妹Yumiko去飲而傳兩人不和，Yumiko聞言隨即扮黑面：「我已經扮咗nice好耐。」Lillian就謂不用解釋，她們私下傾了，很難向大家講。Yumiko就笑說：「帶你個仔嚟相睇啦！（有冇唔開心過？）無，係假，真係無（唔開心）。」記者要求二人攬攬泯恩仇時，Lillian說：「我哋無恩仇，何來泯？」之後兩人嘴對嘴錫錫，以示友好。
問到Yumiko為何不帶女兒「梁浸浸」出席活動？她指女兒不是怯場，而是難以控制：「佢會周圍走，有啲過度活躍，我驚控制唔到，頭先化妝整頭（佢）拿支唇膏周圍搽，媽咪話（佢）比我細個時活躍三、四倍。（過度活躍症？）應該唔係病，只係比較活潑。」Lillian則表示早前與兒子去新加坡旅行，抵達不久兒子便不適發燒高達四十度，入了當地醫院，一星期後才退燒，幸好現已沒事。
黃伊汶認同囝囝堅靚仔
Emme日前公開四個月大兒子的出浴照，對於兒子被大讚靚仔，Emme笑說：「他真係靚仔，但我媽咪話唔可以喺小朋友面前讚，對住佢時我會話佢醜樣。」問到會否再生一個？Emme說：「三、四年之後，現在要適應做媽咪。」
小谷表示工作時也會盡量帶女兒在身邊，對於女兒面對鏡頭也不怕，她笑說：「自己同老公性格比較低調，可能個女將我一直抑壓住嘅一面爆發出來。」