■民主黨昨日見傳媒談選舉結果，指不排除與任何非建制力量合作。網民：唔好天真以為真係揀你 派隻豬出嚟都選到㗎
今屆民主黨鄺俊宇（鄺神）踩住棄選者的屍體、大手搶去黨友選票，出選俗稱「超區」的區議會（第二）功能界別，最終成為「票王」，但也瞬間從天堂跌返人間。事緣鄺俊宇前晚深夜在facebook出文「感謝」「四十九萬多個支持」、「感謝」陳琬琛、關永業、何啟明的「犧牲」，志得意滿的模樣辣㷫不少「含淚投票」的選民，並紛紛留言對他當頭棒喝道︰「這些幾多幾多票怎樣出來，大家心照，......時勢做（造）英雄，唔好天真到以為真係揀你，投票比（畀）你。」 ■記者 甘瑜
鄺俊宇前日以49萬票成為「超區票王」後，已有網民撰文寸他一直「死好命」，是一代「勵志傳奇」。至深夜鄺俊宇似乎仍陶醉於「大勝」之中，出文說「這像是一次奇蹟，是一次香港人的奇蹟，四十九萬多個支持，是四十九萬多份信任。」
鄺帖文「49萬多個支持我」
他隨後開始感謝一眾無奈讓票的參選者，先說黨友涂謹申「冒着風險來支持我」，其後又說︰「還有其他民主派的朋友，陳琬琛、關永業、何啟明，謝謝你們，你們為民主作出了犧牲，把力量賦予民主派力保超區3席，值得我們尊敬，感謝你們！」最後他更再次強調「49萬」這個數字，「感激（大家）願意信任我」。
「根本佢啲票都係呃返嚟」
唔係你讓票，你就當然輕鬆感激，但棄選者及涂謹申嘅支持者就唔係咁睇。不少人都對其「志得意滿」感到反感，對於他一再提充滿「人血」的49萬票這個數字更是憤怒。網民「Cherrie Cheung」就留言︰「投比（畀）你嘅一票真心係因為冇得揀......」「Matt Tsu」甚至怒斥︰「根本佢D（啲）票都係呃返黎（嚟）。」
「Arthur Mak」更直言︰「這些幾多幾多票怎樣出來，大家心照，現任的背着太重包袱，選民投不落手，其實兩大陣營派隻豬出黎（嚟）都選到架（㗎），時勢做英雄，唔好天真到以為真係揀你，投票比（畀）你。」「Gloria Wong」也說︰「其實你有49萬票主要是涂謹申過比（畀）你，當然仲有壯士斷臂嘅深哥（陳琬琛）關永業何啟明，所以唔好持（恃）住自己高票當選就懶叻。」