■高海寧現有跟健身教練做gym。香港文匯報訊（記者 梁靜儀）高海寧（高Ling）與麥皓兒昨早到大埔出席《仁愛堂慈善步行日2016》活動，其間高Ling更成為學生的集郵對象，大受歡迎。
高Ling自言平時都會跑步做運動keep fit及減壓，會與弟弟在屋企樓下跑步。高Ling透露弟弟成功減了十幾磅，而她本來都成功，但因為放縱飲食，體重反彈。除了跑步外，高Ling現在還有跟健身教練做gym：「希望線條實一啲，因為過咗25歲後會易肥，（上圍縮水？）唔緊要，減咗上身着衫靚啲同無咁圓，亦唔需要同人鬥『事業線』。」問她瘦了其緋聞男友鄧智偉可有予以讚賞？高Ling笑稱瘦了後着衫靚了，自己開心身邊人也開心。她又透露正忙於為台慶練習肚皮舞，故要操弗腰部。