■廖偉麟強調投資策略需隨市況轉變。 張偉民 攝香港文匯報訊（記者 吳靜儀）市場上的各種消息，皆可能為股市及房地產市場帶來波動，廖偉麟在分享自己的投資策略時坦言：「每年適合做不同的事，不能專注做一樣，更不能墨守成規，『食呢行飯嘅』要對市場敏銳一點。」他每一兩年就會調整自己的投資策略。
他舉例說：「今年同上年都好唔一樣，上年啱做短炒，一兩個月內完成買賣。」他個人在去年沽出的物業，套現總值約15億元：「今年人民幣貶值，加上英國脫歐，資金傾向流入香港，物業升值能力強，一個物業可能升30%至40%，頗為罕見；尤其香港啱啱又加雙倍印花稅，更加追捧工商大廈及車位，所以今年適宜揸貨，轉向中長線的策略。可能Keep（持貨）一年左右，包裝增值後再賣，獲利會更加大。」
廖偉麟稱，今年持有的物業會增多，原本年初預計今年以10億元入市，但目前只會斥約3.5億元購買物業，沽出的物業亦相對較少。「我手頭上的物業總值單單今年就升了20%至30%。」
說到今年的樓市有價有市，廖偉麟就笑稱：「今年係好得意嘅，可能亦因為內地資金都多咗，買家鍾意成個買，好似最近御皇臺一籃子舖位及車位招標3.8億元，正洽商的買家，意向是整個咁買；此外細價到好似車位，亦多咗人買。不過中間價市場就幾乎無晒，比幾年前明顯唔同，所以投資策略要相應調整。」
港市場穩陣 或再攻日本
廖偉麟投資多年，幾乎一直「駐守」香港，未有到內地或其他地方投資，他就話，「自己睇好香港，除咗在『沙士』期間，見過有物業跌過九成之外，香港個市一直好穩陣，有價有市，無論升跌，都容易搵到買家做買賣，流量好快。再者只要你有『諗頭』，香港仲有好多可以發掘嘅物業。」
他原來早年亦有購買日本物業，但後來撤出：「日本經濟好得意，日圓波動可以好大，但日本奧運之後，唔知情況會點，都唔排除以後會睇睇日本市場。」至於舅父湯文亮有在新加坡投資，他笑言：「睇佢做成點，再考慮入市。」