■江貴生被指在巴士上偷拍一名女模特兒。 fb截圖民協深水埗區議員江貴生涉嫌巴士上偷拍「??模」？自由身模特兒「Isis Lee」近日發帖，指自己在搭巴士時，一名「肥哥哥全程偷拍我訓（瞓）覺，我望住佢佢仲要扮打機......妖，人地（哋）收工累了上車訓（瞓）覺你都要影！痴漢！變態架（㗎）」，並上載了該名「肥哥哥」的照片。帖文中並無提及該人的身份，但有眼利的網民發現該人正是江貴生，網民即鬧爆江是「變態佬」。一批疑為江貴生的支持者即時聲稱這是「政治抹黑」，更恐嚇「Isis Lee」稱她「偷拍」是侵犯私隱，更會構成誹謗云云。
網民斥「痴漢」 江死撐打機
「Isis Lee」在有關帖文中發放了一幅照片，並稱「呢個肥哥哥全程268C個幾鐘一直晌度偷拍我訓（瞓）覺，我望住佢佢仲要扮打機！你背後塊玻璃反光我睇到晒！你個Mon係我張相！妖，人地（哋）收工累了上車訓（瞓）覺你都要影！痴漢！變態架（㗎）！......我一影佢，佢即按鐘落車......」
大批網民紛紛批評該名「痴漢」，「Isis Lee」則回道：「次次入元朗都有呢（啲）事發生，偷拍影裙底乜都齊。」
江貴生其後發帖，稱自己當時「只是橫持手機玩手機遊戲，直至下車，可能對方見我橫持電話的姿勢，誤會我一直在拍照，故作出此指控，並流傳開去。我完全體諒事主的處境和心情，尤其明白整天辛勞後的疲累會影響判斷。不過大家實在不應基於他人的樣貌或體形而妄斷，希望第時唔會再出現此種誤會。......請各位朋友唔好更唔應該對事主作任何程度嘅騷擾」云云。
「江粉」洗版留言恐嚇
江的澄清帖文貌似「忠厚」，但一批「江粉」就湧到「Isis Lee」的fb留言恐嚇。「James Pang」稱，「其實係有咩證據話佢偷拍你？...... 阿姐，我再問你，你有冇證據提出指控？冇既（嘅）話你知唔知係可以構成誹謗？而且而（一）定係似你偷影，多過人地（哋）影你，淨係呢樣，你係咪都已經侵犯左（咗）他人私隱？你唔好對你自己個樣咁有信心先啦，李小姐！」
「Isis Lee」反擊道，「首先我係阿妹，唔係阿姐；第二，我親眼見到佢望住係我張相既（嘅）mon扮打機，我無咁好創作力作故仔；第三，麻煩你睇吓坉茞敞咻P表情，分清楚邊個係偷拍，邊個係明拍偷拍狂！......對住我張相扮打機，仲要放大張相，咁都仲要狡辯！這叫什麼區議員？！扮正人君子出假聲明，態度可恥！我只係知佢偷影我，我講事實而已！佢咩身份咩黨派我唔會理！」
不少網民仗義執言。「Stanley Ko」說，「在公共巴士上偷影一張相不算是刑事，但肯定是無禮！作為議員，這行為是要不得的！」「LaiChun Tse」則說，「呢個死人變態老（佬）嚟......妳最好就報左（咗）警先。」 ■記者 羅旦
