■洗車俠的員工約有百多人，當中八成是退休長者。香港大部分私人停車場均禁止用水洗車，這是「洗車俠」正式推出市場前，Leo需要解決的一個首要問題。參考了其他國家的洗車技術，他決定引入一套在香港較少人用的「無水洗車」技術。「其實唔係完全無水，只不過個用水量係一般洗車嘅5%，但係做到同一樣的效果。」
無水洗車技術環保易用
Leo表示，其他國家或地區因為食水短缺，為減少洗車用水，所以想出了這種洗車方法。「洗車俠」引入這種技術後，不但可解決用水量問題，即使車輛停泊位置缺乏水源也可進行洗車服務。另外，更不用擔心難以招聘員工：「因為引入咗呢個技術，洗車唔需要好大體力勞動，基本上所有人都可以做到，其實我教你20分鐘你都會識。」
夥耆康會提供上門培訓
「洗車俠」除了有固定的員工外，亦會與為長者提供職業培訓的耆康會合作，為長者提供上門洗車培訓及兼職機會。Leo指，以汽車清潔服務為例，一般私家車或房車會收費95元，當中有65元會作為長者的薪酬，工時大概半個小時。「我自問對得住長者，我哋希望出賣勞力嘅人係有應得嘅報酬。」「洗車俠」每張單雖然賺30元，但扣除材料及營運費用，每張單淨利潤只有10多元。現時，「洗車俠」的工作人員約有百多人，當中八成是退休長者。
「呢樣嘢（「洗車俠」）唔係咁容易Copy（複製）得到，因為你唔係咁容易攞到我個團隊。」無水技術聽似非常方便，且容易培訓工作人員學習使用該技術，但Leo指不介意有人複製該技術後成為競爭者。「無水洗車呢個技術唔係我註冊的專利，如果有其他競爭者，我都唔覺得佢會做到專利，反而件事係到底你個團隊做唔做到，到底有無人（肯）做。」
他認為，上門洗車服務要考慮到全港遠近的地區問題，現時「洗車俠」服務是由退休長者去居住附近地區進行。工作會優先分派給退休長者，如果沒有長者接下工作，可能地理位置不方便，才會分配給其他員工。「現時係用一個相對細嘅投資去做一個全港範圍嘅服務，其實好難抄。」