立法會選舉低票落敗，連半個議席都揩唔到邊，都會被人「政治清算」？佢信㗎，佢真係信，講緊嘅就係社民連主席吳文遠囉。吳文遠前日因為涉嫌違反《防止賄賂條例》第三十條「披露受調查人身份等資料」的罪行，被廉政公署上門拘捕並即日提堂。吳文遠當時就喺facebook聲言︰「自立會選舉至今，執法部門已第三次用搜查令上門搜屋拘捕，藉口罪名層出不窮。......我吳文遠天生硬骨頭，你越打壓，我越堅定，越反抗。」並加上「政治大清算」等標籤（hashtag）。早已和社民連結怨的「熱普城」中人隨即出帖恥笑︰「唔好話政治打壓呀，ICAC CASE（廉署案件）喎？唔關抗爭事掛（啩）？」
吳文遠因在無合法權限或合理辯解下，向公眾披露民政事務局常任秘書長馮程淑儀受廉署調查，以及他以投訴人身份到廉署落口供的細節等，前日中午被廉署人員上門拘捕，並且被控3項「披露受調查人身份等資料」罪名。
吳文遠當日提堂前就在facebook發帖，稱︰「自立會選舉至今，執法部門已第三次用搜查令上門搜屋拘捕，藉口罪名層出不窮。在押往警署途中，我只想講，共產黨根本從來就不會讓香港有休養生息的空間。但不好意思，我吳文遠天生硬骨頭，你越打壓，我越堅定，越反抗。」
之但係，吳文遠立法會選舉得嗰7,000票唔夠，咁都成為被「政治大清算」對象？早已和社民連結怨的「熱普城」中人都忍唔住恥笑。「熱狗」陳秀慧就在自己fb出帖話︰「皇天擊殺就係......唔好話政治打壓呀，ICAC CASE（廉署案件）喎？唔關抗爭事掛（啩）？」
「捉『佔旺』就夠」 「咪侮辱ICAC」
不少人都留言附和。「Cain Ng」就說︰「如果咁都係政治清算，社記眞係惡過黑警。」「Mina Tam」則揶揄︰「 又叫人比（畀）錢打官司囉，做開乞衣（兒）懶做官咪呢d（啲）。」「犁牛」更直言︰「吳文遠都戇×既（嘅），如果『港共』要玩政治檢控，都唔會搵你『巧威威披露自己去廉署報案』嫌疑干犯防止賄賂條例黎（嚟）入你啦！淨係捉你『佔旺』都已經夠做。」並加上「自己×左（咗）就×左（咗）啦」、「咪×侮辱ICAC」的標籤。 ■記者 甘瑜