（第一場）「友瑩采」剛戰雖只跑第三，但論到直路之走勢卻是全組馬最搶鏡，四歲馬終於嶄露頭角，移師谷草擺明是捨難取易，加上是田泰安揀騎，值得睇高一線。
（第二場）「蒜頭爺爺」四歲馬突然開竅，最近三場連獲兩冠一亞佳績，剛戰只僅敗給再出再贏的「華麗再現」得亞軍不足為辱，保持攻堅意，有望收復失地。
（第三場）「帝勝之星」初出一役幾乎贏，常言道此廄新馬但凡能夠咁快交出表現，質素顯非易與之輩，熱身後進度更理想，強配莫雷拉擺明冇縮槓意，值得跟進。
（第四場）「競駿時代」剛戰贏馬唔出奇，只是估唔到取勝姿態竟能如斯輕鬆，四歲質新分子進幅之大令人咋舌，沿留原班優勢未失，可添食。
（第五場）「沙角威龍」上仗半力言勝，再睇埋蹄下敗將「妙感」和「全勝姿態」再出都識贏，更顯出頭馬水準高到不得了，六歲馬大器晚成，評分高處未算高，打鐵趁熱，連捷呼聲高唱。
（第六場）「琪麟穎」表面睇上仗只跑第八，但實質本身落後頭馬僅一乘多，表現唔算曳，復課頻頻安排拍跳，動態依舊積極，防隔紗再贏。
（第七場）「駿明珍寶」前次影相僅負，否則經已有權締造四連勝之紀錄，姑勿論如何馬匹近況大勇是不爭事實，續於勝途出師，部署明刀明槍。
（第八場）「開心神駒」上仗能與「駿皇綵」串Q認真犀利，畢竟當日能克服不利步速亦證明本身的確有進步，移師窄場亦屬射程，允屬爭勝要角。