■許廷鏗收到太空人造型蛋糕及生日卡。香港文匯報訊（記者 梁靜儀）許廷鏗（Alfred）昨日到觀塘出席《你在我在×我的志願》生日派對，跟過百粉絲慶祝邁向30歲，粉絲向Alfred送上太空人造型蛋糕及生日卡， 祝他一飛沖天，衝到去紅館，場面熱鬧。
4月29號29歲生日的Alfred表示今年生日連續慶祝了幾日，有兩晚更是與欣宜一起過，他說：「踏入生日嗰晚我喺欣宜屋企過，當晚仲有胡鴻鈞，我哋好任性，買咗啲好曳嘅外賣，仲去便利店掃咗4位數零食，我哋好少咁放肆。」至於正日當日，他上午先跟粉絲一起慶祝，晚上再跟家人及廿多位好友在家中燒烤，因為媽咪投訴他近年生日都不在家中過，原本想煮飯，但因為太多人，所以最後都是燒烤，要準備很多東西，未知媽咪可會後悔。他又透露收到胡鴻鈞送的一對名牌喇叭，覺得窩心又實用。
今年榮升舅父的Alfred，踏入30歲又可會想成家立室？Alfred笑言暫時仍未有準備做爸爸，他笑說：「我的興趣仍維持在玩BB階段，我網上玩BB嘅相仲多過我宣傳嘅相，我成日都去探佢，但每次去都係粒幾兩粒鐘，暫時對佢印象幾好， 因為未見過BB曳同喺我面前大小二便嘅摧毀力，所以都未ready做人老竇。」
至於工作方面，他希望在事業上加把勁，未有特別去向，他說：「未履行完合約都未諗住，仲有時間嘅。」